MNIJS0136_0136_19219

Ja’t, da’s van de mare bereen zien. En zo gedwoeng(en) zien, ee, en oltied etwa vo je zien ee. Dat is van de mare bereen zien. Je zoe dwèèrs deur de veister sprieng(en) u (als) je dat èt, ee! En dat is woar, wi! En u voader ip ’t ende van z’n leven geleefd èt ee, zeiten oltied, "’k geloven," zeiten, "da’k van de mare bereen zien. Wa da’k vandennacht gezien èn," zeiten, "en ze stoen(den) do vo me,"zeiten, "ol aardige posteuren," zegten, "da’k in me leven nog nooit gezien of (ge)hoard èn", zegten. "Da stoend do vo me," zegten, "in me droom." Ze zeggen dat da nog dikkerst ip ’t ende van je leven ku werekommen. "En ‘k èn gezwit," zegten, "da’k dood lagen in me bedde van ’t zweet." Da’s van de mare bereen zien.En zweten da je doet! En ze zeggen da je zodanig gedwoeng(en) ziet da je zoe deur de veister sprieng(en). Da ne zo gedwoeng(en) ziet do van. Da’s van de mare bereen. En vroeger jaren haorde je do vele van ee. Ze zien van de mare bereen, zein ze. Z’en de duvels in. En j’aa gie joengers (kinderen) ook wi die azo woaren. En je koste gie do niet ent mee doen. Oeioei, zein ze, ze zien van de mare bereen. ’t Was gin zeggen an. Hoe meer dan ze verboon, hoe meer dan ze dein!

SINSAG 0291 - Mensch von Mahr beritten    SINSAG 0291 - Mensch von Mahr beritten   

Een oude man beweerde dat hij door de maar werd bereden. 's Nachts zag hij immers de vreemdste figuren naast zijn bed staan. De man lag helemaal bezweet in zijn bed.
Kinderen die door de maar werden bereden, waren heel ongehoorzaam.

M.-R. Nijsters, Leuven, 1969

1.5 Plaaggeesten

west-vlaams (nw van houtland)

60.5

Vader van de informant

fabulaat

Gistel    Gistel