ACORN0144_0145_12101 - Pastoor X verschijnt op Ijsland

En ’t was ton ook e zekere Lootens van Oostdünkerke en da vintje gienk alle dagen no de messe. Mor e was ie ton mo kaplaan op Oostdünkerke, die paster Lootens. Da vintje aa twi zeuns en z’adden nu ütgestrooid da ta schip gebleven was woa daan ze twi zeuns op woaren da dat schip gebleven was mi man en müs. En e gienk ie no Paster Lootens, die toen oenderpaster was op Oostdünkerke en e vroeg tadde. “Ewê” zegten, bie ze name, “achter de messe komd eki, ‘k go je da toen zeggen”.En intusschentied ’t was èèn die in ze bedde was. Die wachte, in ’t latste van ’t seizoen op d’Ieslandvoart, di wachte wordt verdèèld in drieên, ziet. De stierman pakt de wachte en de kapting pakt de wachte en de bootsman pakt de wachte. Mo in ’t èèste van de reize wordt de wachte verdèèld in twèèn ziet, e gedèèlte stierboord in euder bedde, oftewêl bakboord in euder bedde. En da was mi te lienen kollen, zogezeid.En ’t was nu èèn van die broers wakker gekommen en ’n adde doa ze voader zien voo ze bedde stoan en die Paster Lootens.En zegten tegen ze broere o te wachte ton ofgelost was, bie ze name: “’t Moed entwat gebeurd izen” zegten “thüs, wan ‘k ên” zegten “Menèère Lootens voo me bedde zien stoan en voader”. En die joengen ade doa nu gèèl de reize op gepeisd.En o tie messe nu gedoan was die paster zei tegen die voader: “Go mo grust nor üs”, zeiten, ‘k geloven dat Inten was datten naamde, “je joengesjes zien fris en gezoend. ’t Lig èèn in ze bedde” zeiten “en ’t was èèn bezig mi kollen”.Ze zein da ta zoene machtige vint was die paster Lootens. E recommandeerde in d’achtemesse op Oosdünkerke ’t volk die gebleven was up Iesland en e moste da gon erzeggen van de paster van Oosdünkerke, da dat gin woar was. En ’t was zeker woar wi. Ze zien noois mi weregekèèrd, ’t sien ton zestien of zeventien schepen gebleven da joar op Iesland.

SINSAG 0750 - Andere Zauberei.    SINSAG 0750 - Andere Zauberei.   

Een man die gehoord had dat het schip waarmee zijn twee zonen waren meegevaren, gezonken was, ging naar de onderpastoor. Op het schip kreeg de zoon die in het bed lag een visioen van zijn vader en de onderpastoor. De jongen sprak tot zijn broer: "Thuis moet er iets ergs zijn gebeurd, want ik heb vader bij de onderpastoor gezien". Na afloop van de mis sprak de geestelijke tot de vader: "Ga met een gerust hart naar huis, want met je zonen is alles in orde. Eén van hen ligt in bed en de andere is aan het werk".

A. Cornelis, Gent, 1958

2.2 Tovenaars

west-vlaams (kust)

78

fabulaat

Ijslandvaarder    Ijslandvaarder   

Nieuwpoort    Nieuwpoort