Hoofdtekst
Heb ich uch dat dów ouch gezag? Mij mooder haw altijd, ... die waor erg veur vië, die haw altijd ene schoëne stal vië, en värkes, die masde (mestte ze vet) altijd, en gooi värkes. En vooren deeg ze ouch good, want de vader zaliger dèi schol(d) dèk (vaak) op heur en dan zag er zoë: 'Dich voors mich alles op.' Jà, dów hawwen ver värkes! 'Mer', zèit ze, 'die värkes, ich weit neet, ze weren (worden) zwart gewuun en ze goon neet miër veuruit en ze vreten bekans niks miër. Wat is dat dan?' 'Wa-wat zou d'r zijn? D-dan mooten ver ze slachten.' 'Jà, dan heb-der (hebt ge) get: du bès toch vies veur d'rvan te eten. Laoten ver ze keuren.' Dat hawwen ze ouch gedoon. Want ich en eine, veer... dèi kosj neet slachten, ich ouch neet; die waoren mer 'n vijftig-zestig kilo hé, dus mer 't unsterst-boven en ver sneejen hun de kèil (keel) door. En dat bloojde (bloedde) wie ander värkes. Jà good. 'Jà, wat nów?' Nówwe (nieuwe) gegoljen (gekocht), en, jao, die waoren nog gein vijfentwintig kilo, dów begosjten die neet miër te vreten, en altijd zoë, dónker van haoren (haar) zoë, die haoren die lèifden neet miër hé. 'Houw (sla) ze kepot.' Dów oppernów (opnieuw). Baggen, ze haw ze nog geine maondj, nei nog gein drij weken haw ze ze, dów waor 't, dat ze neet miër vreten en zwart. 'Houw (sla) ze mer kepot.' 'En nów?' 'Nów is dat gedoon. Veer kónnen gein värkes miër masten (vetmesten).' 'Mer, dat is wâl get, wat neet good is. Dat is toch get wat NEET good is. Willen ver de stal ins laoten euverlezen?' Dat waor toen 't iërste, hé. 'Jà, jao.' De pestoër gehaold en dèi euverloos de stal. 'Nów bèn ich benówd (benieuwd).' En ze masde (mestte vet) värkes zoëlang es ze heel (er hield), ze waoren altijd good! Wat is dan? En bij ós gebeurd, dat heb ich gezeen!!
Beschrijving
Een vrouw stelde vast dat haar vier varkens niet meer wilden eten en niet meer vooruit konden. Bovendien werden de dieren zwart. De varkens werden geslacht zodat men er nieuwe kon kopen. De nieuwe biggen was echter hetzelfde lot beschoren. Nadat men de stal had laten overlezen, kon men opnieuw probleemloos varkens kweken.
Bron
P. Knabben, Leuven, 1970
Commentaar
2.1 Heksen
limburgs (maasvallei)
O/XIII/222
Moeder van de informant
fabulaat
Bandopname
Naam Locatie in Tekst
Opgrimbie 
Opgrimbie 