MDESC0039_0040_14877 - Eeuwige Jager te Jonkerhove

Te Joenkersove, adde j’ daor e pensjaoger, en e kuste dat nie laot’n, dat wos en echte passiej van dien tiep, voe te gaon jaog’n. Nu, up e zeker tied kwam ze vaoder ziek. En e goenk ossan reke gaon voort pensjaog’n. Maor, up e dag, goenk ’t zo indelijk slicht mi ze vaoder, ene goenk toch deure. Nuw, bienst’ndeen dat’n bezig wos mi jaog’n, ze goeng’n gaon zegg’n da ze vaoder up sterv’n lei, dat ’n berecht wos, en dat ’n em, dat ’n moste zere naor uus komm’n; anders dat’n nie meeje e goenk levinde zien. “Jaok, zei’t ‘n, ‘k gaon direkt naor uus komm’n, zei’t ‘n, mao ‘k moet’n nog eest m’n aoze schiet’n”, zei ‘t ‘n. Nuw, e bleef jaog’n toe dat ’n z’n aoze eschot’n adde. E schoot z’n aoze, en goenk toen naor uus. Mao ze vaoder wos toen dood. Mao ze vaoder ad ezeid, wanneer da ze nem dat zein, dat ’n eest nog voortjaog’n, toe dat ’n z’n aoze eschot’n adde, ze vaoder ad ezeid: “Ewel, dat ’n jaogt, e bluuft jaog’n toet in d’r eeuwigheid!” En zo wos ‘t, bewèr’n de mensch’n van ’t Joenkersover, d’oede mensch’n, da je toen, olle nacht’nde, nem oorde lik deur de lucht, ezo, passer’n, ol roep’n up z’n oend; en ad en oend; z’n jachtoend noemde “Tsjaoew”. En e riep ossan ezo, ezo e zeker’n tied, ezo en eure of twee eur’n, ossan reke: “Tsjaoew! Tsjaoew!” En e wos toen ossan bezig mi jaog’n, jaon; e jaogde toet in d’r eeuwigheid. En daodeure kwam ’t da ze zein: d’n eeuwig’n jaoger.

Op Joenkershove woonde een fervente jager. Zelfs toen zijn vader ernstig ziek was, bleef de man jagen. Toen men de man kwam zeggen dat zijn vader op sterven lag en dat hij onmiddellijk moest komen, antwoordde de man: "Ja, ik kom, maar ik moet eerst nog even deze haas schieten". De vader vernam wat zijn zoon had gezegd en reageerde: "Dat hij maar jaagt! Hij zal blijven jagen tot in de eeuwigheid!" Later hoorden de bewoners van Joenkershove iedere nacht de jager door de lucht vliegen en naar zijn hond roepen: "Tsjaoew! Tsjaoew!"

M. Deschrijver, Gent, 1961

1.4 Luchtgeesten

west-vlaams (poperinge)

36

fabulaat

Joenkershove (Poperinge)    Joenkershove (Poperinge)   

Poperinge    Poperinge