STOP0056_0057_20755

Over Bakelandt ku ‘k ik mor weinig vertellen. Ze zaten an de Loofrutte (Loofhut) tusschen de Vuufwege en Staânreke. ’t Wos dor èn herberge en z’hielden dor vergoringe. Ulder bijbringers woren mannen die roendgingen vermomd als burstelmarchands met dweils enzovoorts. Ze gingen ’t land of en de streke en wor dat ze zagen dat er e schonder huushoeden wos, dat er beesten geleverd woren, dat woren ulder doelpunten. Een van d’eerste die vermoord geweest is, e gebeurd achter e verkopinge die in "de Zwane" geweest wos. ’t Zoe me verwoendern o ’t geen Deleu wos of ne wunde up ’t hof van Deleu. Deleu keerde nor huus achter die verkopinge enne wos bezighoeden, van e paar mannen. Enn’is vermoord geweest voor datten an de Schabalie (Schaapbalie) wos. O je van de Madone nor de Vuufwege gaat overn travers ej e café, en ’t is over die café datten vermoord geweest is. Dat is een van d’eerste moorden geweest die Bakelandt bedreven et. Noenkel Fielten e nog tefrente (verschillende) van die vromenschen gekend die betrekkingen an met die mannen. Bakelandt en zijn bende èn met negen onthoofd geweest in Brugge. De Loofutte dat wos ’t broeinest van Bakelandts bende. Dat woren van die landlopers. ’t Is dordeure dat de menschen e zaligen ofschrik èn van die landloperes die e behendige maniere an om de menschen te doen spreken. ’t Woren er dor in van ol uze streke. Over dertig jor, o ’t er etwot speciaals gebeurde, ’t wos er e liedje van gemakt. ’t Woren bepaalde vrouwen die ook ‘t hunne meebrachten, mor ’t woren dor vele vrouwen wor dat de mannen dor nieten van wisten. Ze gingen up toer en o ze werekeerden gingen ze Bakelandt inlichten. ’t Eerste dat ze geweunlik dein wos den hoend nor de wuppe (naar de vaantjes) helpen omdat er geen geruchte meer a geweest. Dat is ol van horen vertellen. Z’èn een uutgebrand uut èn huzetje, een die niet wilde butengon enne schoot en ze brandden hem uut. Ze staken dat huzetje in brande. En toen etten gevangen geweest. De zendarmes woren d’er ook niet stoet up. Die gasten liepen nor de boeren en ze wisten zieder o ’t er e boer e peerd verkochte. Ze kregen zieder toen e bitje van de buut. Z’an zieder ook platsen wor dat ze goed thuus woren en wor dat ze mochten gon eten en drinken. En binsten dat ze dor woren, dein z’ulder oren wijd open.

SINSAG 1320 - Andere Räubergeschichten.    SINSAG 1320 - Andere Räubergeschichten.   

De bende van Bakelandt hield zich schuil in de Loofhut tussen de Vuufwege en Staânreke. In een herberg vergaderden de rovers met hun kompanen die gingen leuren met borstels en dweilen om te weten te komen welke mensen geld in huis hadden.
Na een verkoop in 'de Zwane' keerde een man men zijn geld naar huis. Nog vóór hij aan de Schaapbalie was, werd de man vermoord. De moord gebeurde tegenover het café tussen de Madonna (1) en de Vuufwege. Er waren ook heel wat vrouwen die iets te maken hadden met de rovers van Bakelandt. Negen mannen van de bende van Bakelandt werden onthoofd in Brugge. De mensen waren doodsbang voor de rovers omdat ze pijnlijke middelen gebruikten om iemand te doen spreken.
Vroeger werden er liederen gemaakt over de bende van Bakelandt.
Het eerste wat de rovers tijdens een inbraak gewoonlijk deden, was de hond doden. Een man die zijn huis niet wilde verlaten en naar de rovers schoot, moest wel naar buiten komen toen de rovers zijn huis in brand hadden gestoken.
De bende van Bakelandt wist altijd wie onlangs een paard had verkocht en dus geld in huis had. Op sommige plaatsen mochten de rovers gaan eten, wat een goede gelegenheid was om de mensen uit te horen over dergelijke zaken.
Zelfs de politie was bang voor de bende van Bakelandt.

S. Top, Leuven, 1964

4. Historische sagen

west-vlaams (vrijbos)

25A

fabulaat

(1) Madonna: gehucht van Langemark

Deleu    Deleu   

Bakelandt (bende van)    Bakelandt (bende van)   

bende van Bakelandt    bende van Bakelandt   

Loofhut (tussen de Vuufwege en Staânreke)    Loofhut (tussen de Vuufwege en Staânreke)   

Zwane (café)    Zwane (café)   

café de Zwane    café de Zwane   

Langemark    Langemark   

Vuufwege    Vuufwege   

Schaapbalie    Schaapbalie   

Madonna (Langemark)    Madonna (Langemark)   

Staânreke    Staânreke