MDESC0130_0130_15118 - Priester doet brand ophouden

’t Wos e keeje up e Paoschemesdag, en indelik dunderwere. En o me wieder djuuste uutschidd’n van lez’n, ik gieng deur de kaomer, in de kaomer gaon kiek’n, en ‘k zag djuuste da ’t djuuste beguste brann’n up een of bacht’n tuz’nd, Kastelings, bacht’n tuz’nd. En vaoder en moeder, en ik zei, a ‘k gienk in me kaomer, en ‘k zag djuuste deur de veister e vier over nulder scheure lop’n, van est’ntens! en ‘k zegg’n ik teg’n moeder: “’t Brandt toe Kastelings”! En moeder schopte neur, ze voend de deure nie voe but’n te gaone. En me woar’n djuuste uuteschid van lez’n, omda ’t zuk e groot were ewist adde. En vaoder en moeder gieng’n nao dat of, en de werkman, om te gaon elp’n of ulpe te biên. Enne ommidekeeje, ’t komt daor e priester, die ’t of naost. En ’t wos daor e vint up ’t of die zei: “An e paope”! zegt’n. Mao d’n dien e moet’n vlucht’n, of e gienk ’n doodslaon dien vent. En die priester, dat wos e, att’n up ’t of kwam, ze waor’n doende mi olles uut te vlucht’n uut ’t uus, alli, voe te bevriên. En zegt’n, die priester, att’n dao komt: “Ol die brandt, gao bluv’n brann’n; mao je moe niet, niemedolle nie meeje vlucht’n”. En de messieng brandde daor uut, tussch’n de scheure en ’t uus. En de rut’n waor’n esmok’n uut nulder uus, helegans. En ezo, ’t en e niemedolle meeje voors ebrand. En dat wos e menere Sioen van Women, die paster.

SINSAG 0750 - Andere Zauberei.    SINSAG 0750 - Andere Zauberei.   

Op Paasmaandag waren een vrouw en haar ouders aan het bidden omdat ze bang waren voor een hevig onweer dat was losgebroken. Na afloop van het gebed zag de vrouw dat het huis van haar buren in brand stond. Alle mensen kwamen helpen om de inboedel uit het huis te halen. Op dat ogenblik kwam er een pastoor voorbij, die zei: "Alles wat in brand staat, is niet meer te redden, maar de rest zal onbeschadigd blijven. Vluchten is dus niet nodig". Zo was het ook.

M. Deschrijver, Gent, 1961

2.2 Tovenaars

west-vlaams (poperinge en omstreken)

275

memoraat

Pasen    Pasen   

Poperinge    Poperinge