JVENK0524_0525_10789 - Hoeve geplunderd te Rotem

Dao waas hiej in Ruotem enen huof. Dat haef mie moder nog vertèld, dao wuore van häör familie, die woenden op daen huof. Dao haef altied ene Verheyen op gewoênd. Mie moeder vertèlde: "het waas kèrmis, dat waas den iêste zondeg nao Allerheilige, dan waas Ruotemer kèrmis. En dat waas toch wal in de Franse Revolutie. Op ene kier ’s nachs rond 10 ore klopden het oppe duer. Maa ziej meinde dat het preesters wuore. Dow zuote de preesters al in de bossen, en zoê, versjuolen en die kième dan ’s nachs biej häör ièten, en zoê, en mesjien ouch slaopte, dat weit ich neet, maa toch vuer te iète. En zoe leep ziej oppe duer aan en dow vloeg de duer al uope. Dow kame zièker vieftig bandieten in, en ze hauwen alles gestuole. Het waas zjus ’s angerendaags kèrmis en ze hauwen alles, alles mètgepak. Ze hauwe nog het broed mote guon liêne vuer te iète, dat vertèlden os die, en die tant, dat waas ’n tant van mie moder, die zag zoë: "As ich eine gekènd hauw dan hauw ich op hem gerope". Maa dan meusj ze toch sterve. Ja, en de nonk zag zoë, dao waas de sjaopsherder en dae hauw ze gehuurd, en dae hauw zich verstuoken in de krib. De nonk en die, wuoren al slaopten en ze hauwen het bèd buoven op hun gedrejd - en die hauwe zièker verstik - en ouch nog gebonje. Maa de sjaopsherder wie ze weg wuore kaam op en dae hauw ze bevriejd. Dat vertèlde ze altied zoê. En dow vertèlde ze ouch. Dao waas ’n viertiendaag daonao in Dilsen ene verkoup, en dow waas dao ene boeremins van Ruotem van daen huof, van Vossenhuof, mèt z’nen hond dao. En in eine kier vloeg daen hond op ene kiel (kerel) aan, en ze hauwe den hond van hem moten aaftrèkken anges hauw er hem vermaord. Dae hauw hem geslage. De minse zagten allemaol, dae is van de bende gewaes, en den hond kanj hem nog. Dat waas ’n bende van in den tied van den drossaard. Maa me moeder haef noeit gehuurd of ze ter hauwen aangehauwen of zoê. Dao vertèlde ze niks van.

SINSAG 1320 - Andere Räubergeschichten.    SINSAG 1320 - Andere Räubergeschichten.   

Op de eerste zondag na Allerheiligen was het kermis in Rotem. Omstreeks tien uur 's avonds werd er in het Vossenhof op de deur geklopt. De mensen dachten dat het de pastoors waren, die kwamen eten. Tijdens de Franse revolutie hielden de pastoors zich immers schuil in de bossen. De vrouw had nog niet de kans gekregen om de deur open te doen, of er stormden zo'n vijftig rovers naar binnen, die alles kwamen stelen. Boven lagen al enkele mensen te slapen. De rovers bonden die mensen vast en gooiden de bedden om. Zodra de bende weg was, kwam een schaapherder de mensen bevrijden. Twee weken later werd in Dilsen een verkoop gehouden. Een boer uit het Vossenhof ging daar met zijn hond naartoe. Plots sprong de hond woest tegen één van de aanwezigen op en begon luid te blaffen. De mensen geloofden dat die man één van de rovers was en dat de hond hem had herkend.

J. Venken, Leuven, 1968

4. Historische sagen

limburgs (maasvallei)

596

Franse Revolutie.

fabulaat

Vossenhof (boerderij in Rotem)    Vossenhof (boerderij in Rotem)   

Allerheiligen    Allerheiligen   

Franse Revolutie    Franse Revolutie   

Rotem    Rotem   

Rotem    Rotem   

Dilsen    Dilsen