NGODE0056_0057_27100

Ze giengen goan lezen en in under gebeden… Wieder, we leesden toen vele aan toafel, we giengen nooit eten dat we eist niet moesten lezen van voader, of we kreigen van de klakke. Ja mo, d'heksen, de mensen woaren d'r benauwd van.…Henri (tegen Raymonda): Hej d'heksen niet geweten wuk? Hej d'r vele hoaren van klappen wok?Raymonda: Ja, fabeltjes van d'heksen.Henri: Fabeltjes van d'heksen. Al dat ze manken doen, dat bestond verschrikkelijk vele, maar ze deien zieder gein moarden wèi. Moa de mensen woaren schuw, surtout de joengens, de meiste hee de joengens. Moar ik wok, ik was er wok schuw van.Nele: En hebt u nog iets gehoord van de 'oude man'?Henri: Jaja, dat bestoend, moa we wisten wieder meir toen dien tide van Bakelandt. Die al die moorden dei en die branden en… Hier in België, in West-Vlaanderen, dat è stif bestoan. … Jan de Lichte en Bakelandt… Ze mokten zider de joengens daar wok mee benauwd.Nele: Wat zeiden ze dan precies? Dat ze je gingen komen halen?Henri: Moa dadde, ze moakten je benauwd met olles. Wieder woaren eigenlijk toen benauwde joengens wèh. Dat bestoat al niet mei. 't Gink it niemand ot doenker was, mo ja d'r branden gèn luchten hoast nei toen. Dat bestoend niet, dien elektriek. Petrole lampe, dat was ol dat w'han, of een keise, die nog bestoan. Ze makten ulder joengens allemaal benauwd doamee. D'heksen.Mo lik van d'heksen. 'k Weten dat we d'r ol benauwd van woaren die tide.Nele: Ze deden niets speciaals? Zoals ziektes veroorzaken of zo?

Vroeger waren de mensen - en vooral de kinderen - erg bang voor heksen.

N. Goderis, Leuven, 2003

2.1 Heksen

west-vlaams (torhout en omstreken)

4g

fabulaat

Torhout    Torhout