RCALL0159_0160_13408 - Jongen kan toveren met behulp van zijn moeders boek, te Oostrozebeke

We woaren ne keer met een hele bende te hoeope ip nen oavend. Er kwam doa nen joengen kerel binnen die we kenden, zien moeder wos een toeoveresse. Je zei: “Pier, mag ik ne keer de teljoren doen dansen ip de skoeuwe”? “Niè” zei ne, “ziet dat ze ofvooln”. “Er mag geen ene ofvooln”, zei ne, “mo nu kan ik niet, mo mag ik het zundag ne keer doen”? “Niè” zei Pier. We zeien loater oet ne weg was dat ne het toch beter ne keer had toegeloaten. “’t Is niet nodig” zei Pier “van nu kan ne niet, mo zundag zoe’t ne zien moeders boeken openleggen en er zoe geen een teljore ofvooln”.Die moeder werkte bie nen boer. Ne keer was ze ofgedankt en ze zei: “Je zal nog niet heel van zien stik zien of zien karre goat ommekeren”. En ’t was azoeo, den boers zien karre keerde omme.’t Was den joengsten zeune die die boeken ha. Nen helen koffer. De geestelijken giengen er ne keer achter, mo ze kregen ze niet. Zien broere was ne keer weggejoagd bie nen boer in Tielt. Twee doagen loater had dien boer geen beuter ne meer. Ze hèn wok meugen noa de poaters van Tielt goan oem te belezen. Die boeken zoaten in nen groeoten koffer. De groeote van een toafel. De joengste zeune ollene koste erin. De koffer stoend ne keer open, mo zien broers kosten er niet in. Je zei: “zoeolange da’k er bie stoa, gaon ze d’er niet in kunnen.”De moeder kan immers ollene entwodde overzetten ip de joengsten zeune. Niet ip den oedsten of den twidden. Je kreeg die koffer boeken van zien moeder oet ne vijftien joar was. ’t Was nen mukker (iemand die muikt: achterhoudend en geveinzd zijn: Westvl. Id. pg. 717) en je las vele in zien boeken. Oe ze plaagden, zei ne niets, mo een poar doagen loater, gaf ne het under were ip olle meugelijke manieren. Je koste entwodde.Mien zuster Norbertine kwam ne keer van de vespers en ze wierd bezet van de luzen van da vromins. Ze is ervan doeodgeggoan, geheel utgemergeld.Ze zat ne keer met heur dochters in de kerke van Meulebeke, an de rechter kant; ’t was verspers, ten drien, mo oet zesse was kwam de paster in de kerke en zag ze zitten. Je zei: “Wuk doe je hier zoeoloate, goa voeort”. Ze zeien nieten. De paster gienk noa ’t altaar en dei zien boeken toe. Ton koste ze weg.

SINSAG 0582 - Hexe schickt Läuse, Flühe, Mäuse.    SINSAG 0582 - Hexe schickt Läuse, Flühe, Mäuse.   

SINSAG 0750 - Andere Zauberei.    SINSAG 0750 - Andere Zauberei.   

SINSAG 0541 - Hexe lässt Wagen vom Deich (Weg) fallen    SINSAG 0541 - Hexe lässt Wagen vom Deich (Weg) fallen   

SINSAG 0643 - Hexe erkannt. Sie kann die Kirche nicht verlassen, weil das Messbuch offen liegen blieb (rächt sich an dem Messdiener).    SINSAG 0643 - Hexe erkannt. Sie kann die Kirche nicht verlassen, weil das Messbuch offen liegen blieb (rächt sich an dem Messdiener).   

a) In Oostrozebeke woonde een jongen die de zoon was van een tovenares. Wanneer de jongen op zondag in de toverboeken van zijn moeder had gekeken, kon hij in een huis de borden op de schoorsteen doen dansen zonder dat er ook maar een bord op de grond viel.
b) Een vrouw die bij een boer werkte, kreeg op een dag haar ontslag. Daarop sprak de vrouw bij zichzelf: "Ik zal nog niet van het erf van de boer weg zijn, of zijn kar zal omkantelen". Zo gebeurde het ook.
c) In Oostrozebeke woonde een jongen die toverboeken bezat. Toen de broer van die jongen zijn ontslag had gekregen van een boer in Tielt, kon die boer twee dagen later geen boter meer karnen. De paters van Tielt moesten de boerderij komen overlezen. De toverboeken van de jongen zaten in een grote koffer. De geestelijken hadden al geprobeerd om de boeken af te nemen, maar dat was niet gelukt. De koffer kon enkel door de jongen zelf worden opengemaakt. Die jongen had zijn toverkracht gekregen van zijn moeder toen hij vijftien jaar oud was. Vrouwen konden hun macht alleen doorgeven aan hun jongste zoon.
d) Een meisje dat terugkwam van de vespers, werd door een vrouw vol luizen gezet. Het meisje raakte er helemaal door uitgemergeld en is uiteindelijk gestorven.
e) Een vrouw zat samen met haar dochters in de kerk voor de vespers van drie uur. Toen de vrouw daar om zes uur nog zat en de pastoor binnenkwam in de kerk, sprak de geestelijke: "Wel, wat doe jij hier nog?" Pas toen de pastoor zijn kerkboek op het altaar had gesloten, kon de vrouw opstaan en de kerk verlaten.

R. Callens, Leuven, 1968

2.1 Heksen

west-vlaams (tielt en izegem)

355

fabulaat

paters van Tielt    paters van Tielt   

Tielt (paters van)    Tielt (paters van)   

Oostrozebeke    Oostrozebeke   

Tielt    Tielt   

Oostrozebeke    Oostrozebeke