STOP0328_0329_21579

Mijn moeder had heur zeune gekocht en ’t wos e toveresse in Beernem. En o ze dat kind kochte, vaders zuster wos dor. "En hoe is ’t met Louïse?" zegt ze. "’t Schijnt dat z’d zeune gekocht éét?" "Jaa’s", zein ze. "Meuk het e keer zien?" "Neeg", zegt tante, "’t slapt." "’k Gon olglijk e keer gon kijken", zegt ze. Ze praamdige de deure open (met geweld openduwen) mor ’t stoend e stoel tegen mor ze duwdige toetdat de deure open wos. "Oh" zegt ze, "wuk e schoon kindje. Wel Louïse, proficiat!" En ze gaat voort. En van o dat ze buten wos, begosten te schremen en j’hoedde niet meer up. "Wel, wel, wel!" zegt moeder, "oens kind is betoverd!" En zegt ze: "Wanneer gaat ze nu were kommen?" En vader kwam thuus ’s navonds en tante verteldige het. En dat kind schreemde dag en nacht. En zegt ze: "Je gaat moeten thuus bluven Felix, o ze komt, daj ze kut vaste stekken." En vader bleef thuus en den derden dag kwam ze were en tante liep nor buten en ze riep: "Felix! Komt zere! Z’is dor!" En vader ging in huus en je paktige heur vaste en je duwdige z’in den hoek van ’t huus. "Gaaj je werk herdoen daj gedon éét?" zegt vader. "Jaa’k", zei ze. En zegt ze: "Lietje, je moet nor mijn huus gon. De deure is open." En zegt ze: "Je gaat dor e kastje zien en ’t ston dor drie wassen beeldiges up en je moet dat middelste pakken en ge moet dat meebringen", zegt ze. Enne tante ging en ze pakte dat wassene kindje. En dat wassene kindje zat vul spellen. En zegt ze: "Steekt het in de stove, Felix. Ej gij vele macht, want je moet vele macht één om mijn vaste t’hoeden." "Jaa’k", zegt vader, "’k één vele macht." En ze stak het in de stove en ze moste d’hulle vasthoeden toetdat dat kindje upgebrand wos. En vader had heur moeten stief vasthoeden en je zwetige van heur ezo te moeten vasthoeden. "Felix", zegt ze, "’t is gedon en ‘k zijn mijn macht kwijt." En ’t wos gedon met heur toverij. En zegt vader: "Gaat mor zere voort. Al is ’t daj geen macht meer éét, je meugt in mijn huus niet meer kommen." "Zovele spellen of dat er in dat kindje zaten, zovele spellen stekten er in ’t julder", zei ze. En ’t zaten d’er vele in wè, zei tante.

SINSAG 0531 - Peinhexe quält einen Menschen mit einer Puppe, in welche sie Nadeln steckt.    SINSAG 0531 - Peinhexe quält einen Menschen mit einer Puppe, in welche sie Nadeln steckt.   

Een moeder die een pasgeboren zoontje had, kreeg bezoek van een vrouw uit Beernem. De schoonzus van de moeder wilde die vrouw niet bij het kind laten, maar de vrouw duwde de deur open, ging kijken en zei: "Wat een mooi kindje! Proficiat!" De vrouw was nog maar net vertrokken of het kindje begon onophoudelijk te huilen. Omdat men geloofde dat het kind was betoverd, bleef de vader thuis voor het geval de toveres uit Beernem nog een keer zou langskomen. Drie dagen later kwam de toveres opnieuw langs. De vader van het kind sprak tot haar: "Ga je het kwaad dat je hebt aangericht ongedaan maken?" De toveres antwoordde: "Ja, dat zal ik doen" en sprak vervolgens tot de zus van de vader: "Je moet naar mijn huis gaan. Op het kastje staan drie wassen beeldjes. Het beeldje dat in het midden staat, moet je naar hier brengen". Toen de zus terugkwam met het gevraagde voorwerp, stelde men vast dat dat wassen beeldje vol spelden stak. De toveres sprak tot de man: "Je moet dat beeldje in de kachel gooien en je moet mij stevig vasthouden". De man deed wat hem werd gevraagd. Toen het beeldje was weggesmolten, was de heks haar macht kwijt. De vader wilde echter niet dat ze nog bij hem over de vloer kwam.

S. Top, Leuven, 1964

2.1 Heksen

west-vlaams (vrijbos)

199C

Moeder van de informant

fabulaat

Felix
Louise

Oostnieuwkerke    Oostnieuwkerke   

Beernem    Beernem