STOP0023_0023_20684

Gelijk ol wor dat je ging, ’t wos ol bus. Je koste ’t bus niet dwersen in èn eure tijd. ’t Woren dor ook straten in dat bus. Binsten dag gingen ze zieder uut. Ze gingen werk vragen bij de boeren. Ze gingen oltijd bij de boeren die vele geld an. Ze makten toen èn akkoord met die boer, en o z’anveerd woren, deurde’t niet lange of z’an zijn portemonnaie mee. Jaa’s, ze keken olles of wè! Godomme jaa’s, de menschen woren zeker benauwd. Dat e niet lange gedeurd wè! E jor of drie? ‘k Weten niet meer wor dat ze terechtgesteld woren. In Ieper en in ol die steên an ze geen schavot. Ja, godomme, ‘k weten dat niet meer. ’t Is te lange geleên. In de middel van ’t bus lag ulder hol. Nu ligt er e kassie van Poelkapelle nor Houthulst. Vroeger wos dat e strate of e dreve. Ulder hol wos dor. Ze regleerden zieder dor olles wuk dat ze wilden. Dat wos uuthold. ’t Wos upgevoerde eerde dat z’uutgegraven an. ’t Wos tamelijk diepe. Ze kosten dor schone rechte in ston. ’t Stoen dor niet vele stoelen en banken in. De zendarmen an dor genoeg achter gezeten. ’t Is een die olles bekend et otten gepakt wos.

SINSAG 1320 - Andere Räubergeschichten.    SINSAG 1320 - Andere Räubergeschichten.   

De rovers van de bende van Bakelandt gingen overdag werk vragen bij boeren die veel geld hadden. Op die manier hadden ze de kans om de boerderij grondig te bestuderen en de boer te bestelen.
Eén van de rovers legde een volledige bekentenis af toen hij werd opgepakt.

S. Top, Leuven, 1964

4. Historische sagen

west-vlaams (vrijbos)

10C

fabulaat

Bakelandt (bende van)    Bakelandt (bende van)   

bende van Bakelandt    bende van Bakelandt   

Westrozebeke    Westrozebeke