STOP0210_0211_21168

Liete Krulle is e Verens en z’had zij dor e zeune Pieren die toen e joegentje wos en die toen nor ’t schole ging bij meester Devolder. En j’had gezeid tegen de joengens in ’t schole datten koste muzen maken. En ’t wos nu een van die kinders die dat gezeid hadde tegen de meester. Zo de meester riep Veren bij hem en je zegt: "Is dat wor, Pieren, daj gij ku muzen maken?" "Jaa’t" zegten, "meester!" En zegten: "Wuk eej dorvoren nodig om muzen te maken?" "Papiertjes", zegt die joengen. Zo de schoolmeester zegt tegen de joengens: "J’ee gieder ollemale e papieren zak om julder boterhammen d’rin te steken?" "Jouw", zeggen ze. "Wel," zegten, "trekt dor e keer èn hoek of en geeft dat an Veren." Zo Veren wribbelde (rollend wrijven) dor ol die papiertjes datten hèt had van de kinders en je smeet dat olzo omhoge en je zei e woord of drie, viere en heel de schole lik of dat ze goeng en stoend krioelde van de muzen. En meester Volder zegt tegen Pieren: "Kuj dat nu ook nog doen were weggon?" "Jaa’k," zegten, "meester." "Ewè," zegt meester, "o ze ku doen were weggon, je moet nor ’t schole niet meer gon." De joengens gingen toen niet geren nor schole. En je zei hij were e woord of drie en ol die muzen woren weg. En je zegt: "Pieren je meugt nor huus gon want je zijt vele wijzer dan ik." En Pieren moste nor schole niet meer gon. Dat is ollemale van horen vertellen.

SINSAG 0582 - Hexe schickt Läuse, Flühe, Mäuse.    SINSAG 0582 - Hexe schickt Läuse, Flühe, Mäuse.   

De zoon van een toveres had op school gezegd dat hij papiertjes tot muizen kon omtoveren. Toen één van de leerlingen dat aan de meester had verteld, werd de jongen gevraagd zijn toverkunsten te demonstreren. De jongen frommelde alle papiertjes bij elkaar, gooide die in de lucht en sprak enkele woorden uit. Even later krioelde het hele gebouw van de muizen. De verraste meester sprak tot de jongen: "Als je die muizen nu ook nog kan laten verdwijnen, dan hoef je niet meer naar school te gaan, want dan ben je veel wijzer dan ik". De jongen toverde de muizen weer weg en ging niet meer naar school.

S. Top, Leuven, 1964

2.1 Heksen

west-vlaams (vrijbos)

112D

fabulaat

Liete Krulle
Piere Krulle
Devolder

Westrozebeke    Westrozebeke