MDESC0104_0105_15051 - Toverheks onder de gedaante van een kat

Dit is nog van me moeders. Ze moste zieder vlucht’n, voe d’n oorloge. En ze zat’n dao mi tween, drien in dezelfste plekke. En ’t kwam daor ossan e katte; en ze zat ziej dao. En an ze ze wild’n wegjaog’n, ze spoog. En ze wist’n nie van wao da ze kwam, wi: ze zag’n ze nooit binn’nkomm’n. En a j’schopte d’r achter, ze bleef ziej zitt’n. En vaoder zegt: “Gaot e keeje olachter nao but’n, en komt van vor’n were binn’n”. Mao die katte, ze wos ziej nog rapper: “Ze wos ziej oek ol lange an d’achterdeure, teg’n dan’k ik dao waor’n”, zei moeder. Jaomao, en ’t stoeg daor e keeje gebruunde butter up de stove. En die katte zat daor oek were. En ommekeeje, moeder pakt die butter, en ze kletst ze in neur mule, van die katte. En ziej ol schruwel’n nao but’n! En ’s angerdags, ze zie neur gebeurnege, en de die wos hele verbrand in neur aonzichte. “Jaok”, zeg ze, “’k ên dao gister e komme vet omme ekeerd up de stove, en, ja, ‘k zien helegans verband nu”. En moeder, ziej geloofde dat. Mao vaoder kwam toen tuus, en moeder zei datte, da de gebeurnege neur verbrand adde, da ze e komme vet omme ekeerd adde. “’t En doet, ‘t ‘en doet”, zei vaoder, “ze n’e ziej nouwers gin komme vet omme ekeerd. Mao ’t is joen butter”, zegt’n, “die verbrandieng’n”, zegt’n, “dat is joen butter”. En moeder toen beter keek, jaos, ze zag ziej oek da ’t woa was. Ja, die katte, dat wos die gebeurnege ewist: e ja, ze wos ziej e tovereske, eneeje.

SINSAG 0640 - Hexentier verwundet: Frau zeigt am folgenden Tag Malzeichen.    SINSAG 0640 - Hexentier verwundet: Frau zeigt am folgenden Tag Malzeichen.   

Een vrouw die gevlucht was tijdens de oorlog en in en huis was ondergedoken, zag iedere dag een kat binnenkomen, die zich door niets liet wegjagen. Op een dag stond er een hete boter op de kachel. De vrouw goot de boter over de kop van de kat, die daarop jankend wegliep. De volgende dag had de buurvrouw allemaal brandwonden in haar gezicht. De buurvrouw legde uit dat ze per ongeluk een kom heet vet op haar gezicht had gekregen. De vrouw geloofde het. Toen haar man thuiskwam, zei die echter: "De buurvrouw is verbrand door jouw boter!" Vanaf die dag wist men dat de buurvrouw een toverheks was.

M. Deschrijver, Gent, 1961

2.1 Heksen

west-vlaams (poperinge en omstreken)

208

WOI of WOII

fabulaat

Vlamertinge    Vlamertinge