JVENK0316_0317_10506 - Heks als varken herkend door verwonding

Hiej aan de Maas is det gebuurd.Normaal waas hiej geine wièg. De gemeintewaeg leep dao. En vreuger waas det zoe - dow hauwe ze die brögge nog neet uever die bièke - dow voere ze doer de biek haer. Dus dae waeg dae hiej nao de Maas aan geit woe now de betonne waeg lig, dat waas vreuger ene servitudewaeg. De gemeintewaeg vuer nao de kèrk te gaon dae dreijde zich zoe en dan leep dae uever de bièk heer. Dao waas ’n vaart, det is now nog, dao kont ger nog mèt de kar duor de bièk vare; Dan koomste dao aan die "Mazerhoeze". Dao loege drie hoezer. Dao waas ene Hons en dae waas neet getrouwd. Maa dao woe dae duor meus gaon dao waas ein koel. En iè waas ’s aoves nao Auweneik uchtere gewaes en iè kwaam heives en iè zaag dao e verke in die koel rondloupe. Dae mins hauw zich zoe versjrik, wao, dae is daovan gestorve. Dow zagte ze ouch: "Dao zaat ein heks". Dow höb ich naoderhand hure vertèlle, dow hauw ze op die heks gesjoete - die heks kos zich verangere in e verke - en ’s angerendaags zoege ze die heks loupe mèt get rond häören erm.

SINSAG 0640 - Hexentier verwundet: Frau zeigt am folgenden Tag Malzeichen.    SINSAG 0640 - Hexentier verwundet: Frau zeigt am folgenden Tag Malzeichen.   

In één van de drie Maashuizen woonde een ongetrouwde vrouw. Een man die op een avond terugkwam van Aldeneik, zag in een kuil naast dat huis een varken zitten. Een tijdje later is iemand anders het varken komen neerschieten. De volgende dag zag men de heks uit het Maashuis lopen met een verband rond haar arm. De man die het varken was tegengekomen, is gestorven van angst.

J. Venken, Leuven, 1968

2.1 Heksen

limburgs (maasvallei)

361

fabulaat

Maashuizen (drie huizen langs de Maas)    Maashuizen (drie huizen langs de Maas)   

Aldeneik    Aldeneik