STOP0062_0062_20763

Dat is hier een die echt gebeurd is. O mijn joengste zuster up de wereld gekommen wos – zes maanden vroeger wos mijn vader en mijn noenkel gestorven – en o dat kind geboren wos, koste moeder niet meer uut heur bedde. En dokteur Dewulf, ook van Langemark, kwam moeder olle dagen insputten nu e keer in die bille en toen e keer in d’andre. Mor zoender verbeteringe toet dat er e keer e zekern dag, e cliënt nor de meulen kwam. En moeder verstoend die persoon en ze zei tegen mijn oedste zuster, die Marie naamde: "Is dat Aloïs Decock die dor is?" En mijn zuster antwoordde bevestigend. "Zegt datten e keer komt bij mijn bedde", riep moeder. Aloïs zei: "Romanie", zeiten, "lig je gij hier?" "Jaa’k", zei ze, "en o je gij wilt, zijn ‘k ik uut mijn bedde." Aloïs liet wijwater en busseboom (palm) bringen enne prevelde e gebed. En moeder ed uut heur bedde gesproengen en er nooit meer in gelegen toetdat ze stierf. Ze wos toen achtentachtig jor oed en z’et er mor e dag èn holf ingelegen.

SINSAG 0750 - Andere Zauberei.    SINSAG 0750 - Andere Zauberei.   

Een vrouw die pas was bevallen van een dochtertje, geraakte niet meer uit haar bed. Een half jaar eerder waren haar man en haar schoonbroer gestorven. De dokter kwam de vrouw iedere dag een injectie geven, maar dat leek niet te helpen. Op een dag liet de vrouw een man uit het dorp naar haar toe komen. "Als jij het wil, dan stap ik onmiddellijk uit mijn bed", sprak de vrouw tot die man. De man liet wijwater en palm halen en prevelde een gebed. Daarna sprong de vrouw uit haar bed. Ze is nooit meer ziek geweest tot ze op achtentachtigjarige leeftijd stierf.

S. Top, Leuven, 1964

2.2 Tovenaars

west-vlaams (vrijbos)

25J

Moeder van de informant

fabulaat

Dewulf
Aloïs Decock

Langemark    Langemark