STOP0059_0059_20671

In ’t huus van mijn moeder, ze wunden up Schraveneke en z’an elf kinders en ’t joengste noemde Leontine. En olle jore kwamen d’Orme Klaren dor om èn almoeze. En zeggen z’ozo tegen mijn grootmoeder: "Is dat datzelfde kinnige van overjor?" En grootmoeder zei van ja. Te groeide noch te bloeide. ’t Wos niet veranderd in e heel jor. En grootmoeder zei dat. En zein die nunniges: "We gon morgen e keer werekeren." En ze brochten twee medalies mee. Ze mosten een oender de zulle (dorpel) steken en een oender de balie van ’t hof. ’t Gevolg dorvan wos dat ulder wasvrouwe niet meer over de zulle kwam. En dat kind e toen begunnen groeien en ’t is ol zo groot gekommen lik d’andre. Terzelfdertijde an ze bij de gebeurs ook een kleen kinnige en dat kind ging dood. Diezelfde wasvrouwe ging dor ook dikwils. De moeder van dat kinnige die dood wos ging nor de paster en ze zei dat heur kind gestorven wos van die bepaalde wasvrouwe. En de paster zei: "O je dat peinst", zeiten, "komt vrijdag nor de kerke nor de messe van te zeven en plats je vanachter in de kerke. Die wasvrouwe gaat ook in de kerke zijn. En binst de consecrosche", zeiten, "kijkt goed en o ’t wor is, gaat er e keerse brannen boven die bepaalde wasvrouwe." En inderdaad, ’t brandde e keerse boven dat vromens heur hoofd.

SINSAG 0580 - Andere Hexenkünste    SINSAG 0580 - Andere Hexenkünste   

Een vrouw uit Schraveneke had elf kinderen. Ieder jaar kwamen de Arme Klaren bij haar een aalmoes vragen. Bij één van hun bezoeken zeiden de nonnetjes: "Is dat hetzelfde kindje van vorig jaar?" Het jongste dochtertje van de vrouw was helemaal niet gegroeid. Omdat de nonnetjes zagen dat er iets aan de hand was met het kind, keerden ze een tijdje later terug en gaven de moeder medailles om onder de dorpel en onder de slagboom van de boerderij te steken. Daarna werd het kind gezond en groeide op zoals haar leeftijdsgenootjes. Sinds het bezoek van de nonnetjes kwam de wasvrouw echter niet meer op bezoek. Bij de buren kwam die wasvrouw ook vaak langs. Op zekere dag stief in dat gezin een kindje. De moeder van het kindje ging naar de pastoor en legde uit dat haar kind gestorven was door toedoen van die wasvrouw. Daarop sprak de geestelijke: "Als je dat denkt, kom dan vrijdag naar de kerk voor de mis van zeven uur. Ga achteraan zitten. Die wasvrouw zal ook in de kerk zijn. Als zij de schuldige is, dan zal je tijdens de consecratie een kaars boven haar hoofd zien branden". Toen het zover was, zag de moeder inderdaad een kaars boven het hoofd van die vrouw.

S. Top, Leuven, 1964

2.1 Heksen

west-vlaams (vrijbos)

25F

Moeder van de informant

fabulaat

Arme Klaren    Arme Klaren   

Langemark    Langemark   

Schraveneke    Schraveneke