MDESC0065_0066_14945 - Het karnen mislukt

Ewel, te Sissen Weewaorts, eneeje, die dao weunt nu, eneeje, op d’ofsteeje, om nao Sient-Tjiks te gaon, ze gieng’n kèr’n. Mao ja, dat deurde lange en lange, en ze kek’n oltemets e keeje in d’n kèr’n, ze dein em e keeje op’n en ze kek’n. Mao ze kreg’n nooit gin butter, of nooit niet’n. Ol da ’t wos, ’t bleef ossan waoter, ol waoter. En ze zein: “Dat is aordig, en dat is aordig. Oe ku dat zien! Oe ku dat zien!” En dat deurde ezo twi eur’n, eneeje. En dien vint zwitte da ’t van em liep. En ze lein d’n kèr’n stille, eneeje, enne ze goeng’n om d’n kaplaon ’t aol’n, eneeje, voe e keeje te kiek’n d’r noa, eneeje, wuk da dat wos, eneeje. En dien kaplaon zei, oek, da ze most’n e ja, et woa lez’n of doen, eneeje, da ze most’n lez’n. En ezo ze leesd’n en ze dein. En ze most’n dat ol weggiet’n, dat e deugde nie meeje, dat ’n deugde nie meeje. Ze got’n ’t ol in de kupe, voe de zwiens zeker. Enne d’n anger’n kèrn, a d’n kaplaon daor ewist adde, mao d’n kaplaon overol lik gewiegd edaon, jaon, wi, ezo, ewiegd. En d’n anger’n kèr’n, da ze kèr’nd’n, eneeje, ’t wos ol djuuste, ’t wos ol beuter, alli, z’add’n beuter toen, en ol. mao toen die keeje, z’add’n niemedolle.

Een man was helemaal bezweet nadat hij al twee uur tevergeefs had geprobeerd boter te karnen. Daarop liet de man de kapelaan komen om de zaak te onderzoeken. De geestelijke gaf de mensen de raad om te bidden en om de melk in het botervat weg te gieten. Nadat de kapelaan overal iets gewijd had gelegd, konden de mensen zonder problemen boter karnen.

M. Deschrijver, Gent, 1961

2.1 Heksen

west-vlaams (poperinge en omstreken)

104

fabulaat

Poperinge    Poperinge