STOP0007_0008_20631

’t Is ol van horen vertellen. ‘k En dor stief (zeer) vele van hoord mor ‘k wos toen nog up de wereld niet. Mijn grootvader en grootmoeder èn dor nog van geweten. Mijn grootmoeder wunde in Rollegem voren dat ze nor Hooglee (Hooglede) kwam. Ze dein in ’t liwot (lijnwaad). Ze zein: "Dat liwot gaat te niete en ook, met ol uze joengens – ja, ’t woren d’er e stik of achte, negen – gon me wieder gon wor dat er vele land is." Z’an toen keuze van drie platsen en z’èn "’t Meibomtje" gepakt omdat er meest land mee wos. Up d’herberge hing er e plakaat "In den Meiboom – Estaminet." Z’èn nog upgeklopt geweest ’s nachts. Mijn grootoeders, die van Rollegem-Kapelle kwamen, wunden in d’herberge "de Meiboom" lansen de kassie tusschen Hooglee en Roeselare. Ze klopten ’s nachts. Ze vroegen teten. Mijn grootoeders zein dat ze negen joengens an. Bakelandt en zijn bende zein dorup: "Je moet mor meegon met uus (ons) achter teten." Ze gingen zieder niet mee. Ze schoven de vijnsters up en gaven worschienlik toch teten. ’t Wos een of twee die klopten. Z’èn nooit opengedon. Mijn memorie is zo versleten dat ‘k dat niet meer kunnen zeggen. De menschen woren schuw voor die bende. We wunden mor vuuf minuten van Roeselare en achttien minuten van de kerke van Hooglee en tweeëndertig minuten van de kerke van Roeselare, de Sint-Michielskerke. ‘k En zo dikwils dien afstand ofgeleid ook o ’t gesneeuwd wos. We wunden up de schedinge tusschen Hooglee en Roeselare. ‘k En ’t merendeels vergeten.

SINSAG 1320 - Andere Räubergeschichten.    SINSAG 1320 - Andere Räubergeschichten.   

Een man en een vrouw waren van Rollegem naar het grensgebied van Hooglede en Roeselare verhuisd, om daar een herberg te beginnen. Op zekere nacht werd er aangeklopt door rovers die eten vroegen. De herbergier en zijn vrouw openden het raam en zeiden dat ze negen kinderen hadden. Daarop antwoordde één van de rovers: "Dan moeten jullie maar meegaan met ons om eten te zoeken!"

S. Top, Leuven, 1964

4. Historische sagen

west-vlaams (vrijbos)

6A

Grootouders van de informant

fabulaat

Meiboom (herberg tussen Hooglede en Roeselare)    Meiboom (herberg tussen Hooglede en Roeselare)   

Westrozebeke    Westrozebeke   

Roeselare    Roeselare   

Hooglede    Hooglede   

Rollegem    Rollegem