STOP0171_0173_21077

Dat is èn historie die begunnen is in mijn vaders tijd. Mijn vader ging eerst te vrijen. En up e zekern keer, otten up èn avond wegging, je ging hij lik deur e slipweug wor dat er vele hoet up groeide. En o ezo nor huus gon up zijn gemak, olmeddèkeer enn’hoorde dor voor hem e gete schreeuwen an de beke. En je peinsde dat dat moste e gete zijn die verdoold zat in de struken enne ging hij er nortoe. En otten dor kwam wor datten peinsde dat die gete schreeuwde, enne zag nieten en j’hoorde niet weglopen mor ze schreeuwde e bitje vodder. En je ging er were nortoe mor ne zag enn’hoorde were niet en ze schreeuwde zij were vodder. Iedere keer wor datten wel peinsde dat ze moste zijn, ne zag noch ’n hoorde dor etwot. Mor ne ging hij toen vodder nor huus. Dat is etwot dat mijn moeder verteld had en ze zoe dor hoegenaamd niet voren gelogen èn. ‘k Wos ik e liefhebber van peuren en ‘k ging ik ol den avond nor e gracht die deure liep nor de beke wor dat er vele riet in stoend. ’t Wos ol duuster mor nog niet doenker. O’k e bitje lans die gracht gegon hadde, ‘k hoorde dor e gete schreeuwen en voor mij wos dat lik rechte voor mij in dat riet. En’k kijken ik en ‘k zien ik nieten en ‘k gon er nortoe wor dat’k peinsde dat ze geschreeuwd had. En o’k dor kwam, ze schreeuwde were e bitje vodder. En’k èn ezo verschillige keren achter geweest, e keer of viere. Mor ‘k wos ik toch niet meer stoet. Ik sprak dor niet van tegen mijn broere. ‘k En ik toen nog verschillige keren die gete hoord mor toch niet meer dat ze zo dichte bij mij wos. Mor e tijdje later, up e zekern avond, ’t hadde heel den dag schoon were geweest en ’t wos e schone stille avond en ‘k zein ik tegen mijn broere: "’k Zoen nog wel e bitje gon loof trekken." En ‘k had ik e bitje loof getrokken mor olmèddekeer, ’t springt dor etwot voor mijn neuze, e meter of drie. ’t Wos e beeste. ‘k Zeggen in mijn eigen: "Wuk ku dat zijn?" Die beeste liep nor de beke en ‘k hoorde dor schreeuwen. En ’t wos were die gete. Mor ‘k ging niet gon kijken, want ‘k a nol e bitje oendervindinge dorvan hèt in de broeken. E bitje later, ze schreeuwde were. Mor ‘k zein ik: "Dat is etwot die niet nateurlik is." ‘k Gon ik toen were nor huus. Oendertusschen e ‘k ik ton nu en toen were nor de broek geweest om te gon peuren. ’t Wos dor ook e staminee en de bazinne vertelde dat er dor e rare toer gebeurd et. ’t Wos e zekere Kap die nor Tjoenkershove ging en osten werekeerde, ’t wos ol èn ende in den avond, osten dor in de broeken wos en n’e moeten vichten tegen e gete die hem in de gracht gesmeten had. Die bazinne zei dat dat e vromens wos die weregekeerd wos want z’had die gete ol dikkens horen schreeuwen. ‘k En z’ik nooit gezien mor ‘k èn ze wel horen lopen. Dat wos olleszins etwot die niet nateurlik wos. Dat is ollemale achterwege gebleven met den eersten wereldoorloge.

SINSAG 0362 - Toter kehrt als Tier wieder. Erklärung der Erscheinung des Spuktieres.    SINSAG 0362 - Toter kehrt als Tier wieder. Erklärung der Erscheinung des Spuktieres.   

Een man die op een avond terugkwam van een bezoek aan zijn vriendin, hoorde in een weggetje waar veel kreupelhout stond, plots een geit blaten bij een beek. In de overtuiging dat er een geit gevangen zat in de struiken, liep de man naar de plaats waar het geluid vandaan kwam. Toen de man daar aankwam, zag hij echter niets en hoorde hij het geblaat een eindje verderop. Zo ging de man alsmaar verder en verder zonder een geit te zien. Uiteindelijk besloot hij dan maar naar huis te gaan.
Een tijdje later maakte een andere man, die graag ging stropen, hetzelfde mee. Toen die man op een avond gras aan het snijden was, zag hij plots een beest vóór zijn neus wegspringen. Een cafébazin uit de buurt vertelde dat een man die op weg was naar Tjoenkershove door een geit in de gracht was gegooid. Volgens de cafébazin was die geit een dode vrouw die was teruggekeerd. Na de eerste wereldoorlog gebeurden zulke vreemde zaken niet meer.

S. Top, Leuven, 1964

1.4 Luchtgeesten

west-vlaams (vrijbos)

86D

Vóór WOI

fabulaat

Woumen    Woumen   

Tjoenkershove    Tjoenkershove