STOP0125_0126_20959

‘k Vertellen geen leugens. ’t Is ol groend van waarheid. Me weunden up e wijk die de Gemiste messe noemde. Ze noemden dat ozo omdat er dor e keer e trouw geweest wos en de trouwers an de messe gemist. Liete Krulle wunde up de Steenweg van Rozebeke nor Passchendale. Mijn vader wos e joeng kerelke van e jor of zeventiene of achttiene. En mijn vaders vader zei tegen hem: "Je moet e keer achter brood gon nor Rozebeke." Enne ging nor Rozebeke met de kortewagen (kruiwagen). Enne pakte’t naaste (dichtste bij) enne ging ol binnen ol wor dat Liete Krulle wunde. In ’t deuregon dat ging nogol. Je komt dor an de bakkerij in Rozebeke en ze vulden zijn zak met viftien broôn. Enne ging toen were weg. Vooraleer datten kwam an dat huzige wor dat Liete wunde, zijn ormes woren zo moe, de kortewagen piepte. En in ’t deuregon wossen nieten geware. Mor ne sukkelde hij mor deure tot an Liete Krulles huus. Liete stoend buten an de deure. "Staf", zegt ze, "gaat het niet? ’t Is brood zeker daj mee et?" Nu, mijn vader ging nor huus en van met datten de deure instapte, ’t lucht ging dood, de spegels vielen van de meuren, de ruten woren uutgeslegen. "Mor mijn joengen toch", zegt zijn vader, "wuk ej gij toch gedon dat je in schuum en zweet staat?" "Vader", zeiten, "je gaat ’t naaste (volgende) keer zelve meugen gon." Ze dein de zak open en ’t liep ol vul muzen.

SINSAG 0582 - Hexe schickt Läuse, Flühe, Mäuse.    SINSAG 0582 - Hexe schickt Läuse, Flühe, Mäuse.   

Een gezin woonde in een wijk die 'de Gemiste Mis' werd genoemd omdat er ooit trouwers de mis hadden gemist. Op de weg van Rozebeke naar Passendale woonde een vrouw over wie men vertelde dat ze een toveres was. Op een dag ging de zoon van dat gezin met de kruiwagen naar Rozebeke om er brood te halen. De jongen nam de kortste weg en moest voorbij het huis van de toveres. In de bakkerij Rozebeke nam de jongen vijftien broden mee. Op de terugweg was de jongen doodmoe. De toveres stond buiten te kijken en zei: "Jongen, gaat het niet?" Toen de jongen thuiskwam, werd het licht gedoofd. De spiegels vielen van de muren en de ruiten werden ingeslagen. De ouders van de jongen openden de broodzak en zagen dat er allemaal muizen uit kropen.

S. Top, Leuven, 1964

2.1 Heksen

west-vlaams (vrijbos)

65A

Jeugd van de vader van de informant

fabulaat

Langemark    Langemark   

Passendale    Passendale   

Gemiste Mis (wijk in Langemark)    Gemiste Mis (wijk in Langemark)   

Rozebeke    Rozebeke