PVAND0159_0160_26788 - Ronddolen: alles heeft abnormale afmetingen. Ook mogelijk bij klaarlichte dag

‘k Goenge ‘k ik naar ne gebeur en ‘k goenge nie lange wegzitten. En ’t was misschien tien minuten verre. En me zitten daar een beetje te klappen en achter een ende ga ‘k were naar huus. Maar o ‘k tenden (aan het uiteinde) zijne hof kwam, goenge ‘k verkeerd naar de kerke toe. En ‘k hè nog nooit zo’n kerke gezien. En die torre (toren) was verzekers 200 meters hoge. En ‘k hè an al de kanten weregekeerd en ‘k hè verzekers drie uren gedoold deur heel Hertsberge. En ‘k hè in de stekkerdraad (prikkeldraad) gevallen ook. En in die dreve naar huus waren dat al kleine boekskes, maar nu waren dat wreed grote bomen. En ‘k kwame ton an den bus en da waren ook zulke grote bomen. En al d’huzen da ‘k tegenkwam waren zo wreed groot da ‘k mij nie meer bekende en ’t hèn andre moeten meegaan voor m’n huus te vinden en o ‘k d’r an kwame was ’t ook zo groot. En o ‘k binnenkwame zeien z’allemolle da ‘k zo wit ware of een lijk. En ‘k ware nie droenke. Maar had ‘k mij neregezet ton ginge ‘k da nie tegengekomen zijn. En da ’s ook stilstand van ’t bloed en ge zijt gedwoengen voor te gaan en ge bekent joe nievers. En Keerse hèt ook nog azo gevaren bij klaarlichte dag en je vond ook de weg nie were.

Een man ging op bezoek bij een buurman die op een wandelafstand van tien minuten woonde. Toen de man weer naar huis ging, nam hij de verkeerde weg en belandde bij een kerk die hij nog nooit had gezien. De kerktoren was zeker tweehonderd meter hoog. De man doolde drie uur door Hertsberge en viel in de prikkeldraad. Op zijn weg naar huis zag de man reusachtige bomen, terwijl er normaal maar kleine struikjes stonden. Alle huizen die de man tegenkwam, waren uitzonderlijk groot. Bij zijn thuiskomst vertelde men de man dat hij er heel bleek uitzag. De man had nochtans niet gedronken. De man had wellicht een stilstand van het bloed gehad. Een andere man was op een geljkaardige manier verdwaald geraakt bij klaarlichte dag.

P. Vandewalle, Leuven, 1968

2.1 Heksen

west-vlaams (o van houtland)

320

memoraat

Ruddervoorde    Ruddervoorde   

Hertsberge    Hertsberge