JVENK0362_0363_10602 - Het menneke van Rosmaal

Hiej is ouch nog ’n vrouw die vlekke van de ouge kan doen, zonger get aan de ougen te doen, ouch. Dat zien allemaol apaarthede. Ze baeje daovuer. Den audste jong dae now meister is, wie dae drie jaor waas kosj dae op ene nach neet slaope. Iè waor maar wakker gewuoren en dan zag er maar: "Ich höb pien in m’n ouge, ich höb pien in m’n ouge, ich kan neet slaope". Ich daeg het leech aan en steeng op, en hem opgemak. Z’n ouge wuoren ouch roêd. Maa dat woer wie langer wie erger en maar bueke van de pien aan z’n ouge. En iè kosj maar nao gei leech kieke, het meusj hiel donkel zien en dow laag er maar vueruever. "Och ma, ich höb toch pien aan m’n ouge, ich höb toch pien aan m’n ouge." En wièr nao ’t menke van de Noster, zagte ze vreuger altied. Dae waas van Roesmaol. Dow ginge ver ’s mörges vuort nao ene mins, dae hauw ene tilburry en ene poné. Vuort ’s zondes ’s mörges ginge wer daoheer. Dow meusjte ver nao de drie gezusters guon in Grömmie. Dao is de kapel van de Drie Gezusters. Dao mosjte ver ’n boot (boete) doen. Wièr diègen hiej ein en ich mosj die nuege daag dan nao de mès guon en ’n kemunie opdragen onger de boot. En m’n auwers die woende kort biej die kapel. Die gingen al daag tevoot die boot baeje nao die kapel. En den derde daag waas dae jong al zoe good as genièze. En den dokter kosj niks t’raan doën, niks. "Ja", zaet er, "dat vuer enen ougendokter. Dao kan ich niks aan doen." Wer ginge nao enen ougendokter, wer moosjte van alles in die ouge doen. Het woer wie langer wie erger. En wer dege dat en dan woer gezag: "Dat is superstitie, dat bestuit neet. Dat waas toch geneze". En as men dat aan luj zag die aan niks gelofte dan zagte die: "Och dat genoes toch, dat genoes toch". Maar het waor het menneke van de Noster dae het geduon hauw.

Een jongen werd 's nachts wakker omdat hij pijn had aan zijn ogen. Omdat de pijn maar niet ophield en de jongen geen licht kon verdragen, gingen zijn ouders met hem naar een mannetje in Rosmaal. Het middeltje dat de dokter had voorgeschreven, maakte de kwaal immers alleen maar erger. Het mannetje raadde de mensen aan om op zondagochtend boete te gaan doen bij de Kapel van de Drie Gezusters in Opgrimbie en te communie te gaan. Drie dagen later was de jongen genezen.

J. Venken, Leuven, 1968

2.2 Tovenaars

limburgs (maasvallei)

457

memoraat

mannetje van de Noster (Rosmaal)    mannetje van de Noster (Rosmaal)   

Noster (mannetje van) (Rosmaal)    Noster (mannetje van) (Rosmaal)   

menneke van de Noster (Rosmaal)    menneke van de Noster (Rosmaal)   

Noster (menneke van) (Rosmaal)    Noster (menneke van) (Rosmaal)   

Vucht    Vucht