ACORN0174_0174_12146 - De waternekker als kindje vermomd

Da was e vrouwtje die ’s nuchtes no de messe gienk, ’n eure of zesse zeker no de messe, en ze ziet doar e paksje in de gote liggen. Zeg ze: “’t Lig doar e paksjen in de gote, ‘k gon eki kieken wa dat er doar in is”. Ze doe zie da paksjen open en er ligt doar e niefgeboren kiendjen in. “Och gèère me dusje” zeg se “ên ze zieder joen ier te viengen geleid? Kom” zeg se “’k go je zèère meepakken nor üs en ‘k gon e bitje paptje maken voe je”. Nu dat is goed. En vroeger jaoren da woaren aal büzestoven ee en ze zaat zie me da kienetje op eur schoot enne e goe paptje gemakt en ’t potje stoeg rood ewo. Nu ze gif da kiendje pap en o’t ze bükssje vul êt, ’t vliegt in ène kèè deur de schouwe en azo riep et: “’k Ei get, ‘k ei get, ‘k ei get voer e kèè. ‘k Ei get, k’ei get, ‘k ei get voer e kèè.” En lachen en in ène kèè da kiend was deur de schouwe gevlogen en ze zeggen da dat de woaternekker is.

Een vrouw die omstreeks zes uur 's ochtends naar de mis ging, zag een pakje in de goot liggen. De vrouw ging kijken en zag dat het een kindje was, dat men te vondeling had gelegd. De vrouw nam het kindje mee naar binnen en gaf het pap. Toen het kindje zijn buikje vol had, vloog het door de schoorsteen weg terwijl het riep: "Ik heb gegeten, ik heb gegeten!" Men vertelde dat dat kind de waternekker was geweest.

A. Cornelis, Gent, 1958

1.1 Watergeesten

west-vlaams (kust)

122

fabulaat

Oostende    Oostende