STOP0116_0116_20934

‘k En ik dat nog gelezen in e boek. Enne ging hij uut enne dei hij moorden. Die bende e gepakt geweest in ’t bus. En ’t wos dor e vintje in die bende van Bakelandt, en dat vintje e die bende angeklaagd. En de sendarmes èn toen ol vergord en die sendarmes èn toen nor ’t bus gegon met dat vintje mee. En dat vintje zei tegen de sendarmes: "Zie je die lucht dor branden? Dat is dor dat die brakke (barak) staat van Bakelandt." En twee sendarmes èn dor ingegon in die brakke. En t’zaten dor twee mannen bij ’t vier om ulder te verwarmen. En ze pakten die mannen olle twee. En t’wos dor e kot angemakt an die brakke en ’t zaten dor niet anders in dan blaten van ’t bus dat ze vergord an. En de sendarmes met ulder bajonetten èn dor deure gestekt en Bakelandt zat oender die blaten enne moste uutkommen enee. Zegten tegen de sendarmes: "Ej gieder nog hoord van Bakelandt? Wel ik zijn Bakelandt. En je moet gieder dood!" zeiten tegen de sendarmes. En de sendarmes zein tegen Bakelandt: "Dat makt nieten want ’t ston er nog e stik of twintig buten." "’k Moeten mijn toen overgeven" zei Bakelandt.

SINSAG 1320 - Andere Räubergeschichten.    SINSAG 1320 - Andere Räubergeschichten.   

Bakelandt pleegde veel moorden. Op een dag werd de bende van Bakelandt opgepakt in het bos. Eén van de rovers had zijn bendeleden verraden. Hij had tot de politieagenten gezegd: "Zien jullie dat lichtje daar branden ini het bos? Daar staat de barak van Bakelandt". De politie ging naar binnen en zag twee mannen bij het vuur zitten. De agenten namen die twee mannen mee. Ze staken ook met hun bajonetten in het gebladerte, waaronder Bakelandt verscholen zat. De politie vroeg: "Hebben jullie nog gehoord van Bakelandt?", waarop een stem antwoordde: "Ik ben Bakelandt. En jullie gaan eraan!" Omdat er echter nog twintig andere agenden buiten stonden, moest Bakelandt zich overgeven.

S. Top, Leuven, 1964

4. Historische sagen

west-vlaams (vrijbos)

61A

fabulaat

Bakelandt    Bakelandt   

Bakelandt (bende van)    Bakelandt (bende van)   

bende van Bakelandt    bende van Bakelandt   

Merkem    Merkem