MNIJS0126_0127_19177

En ip e zekere moment, z’(zijn moeder) aa zie twee zware rieng(en). En z’aa zie een van die rieng(en) ofgedaan, en z’aa zie een van die rieng(en), mo Liesebette peisde da z’een van die rieng(en) verloren was of da z’hem weggegeven adde omda ze nie wel mi wiste wa da ze dei ee. En ze zei da Liesebette hem gepakt adde! Da nie weten, ee, ze wiste nie mi wa da ze zei ee. "J’è gie da gepakt", zeg ze, "je zie gie ’n dief," zeg ze, "j’è gie mien rienk gepakt!" En ze vertrok e kee, ip ’n achternoene, schoon stikkend heet were, met heur paalto (mantel) an, heur zwaar haandschoen(en) an, heur kappe roend heur nekke, trok ze weg. En z’ie no do gegaan, z’is no de Kongolane gegaan no (…), no de kaartelegster. En z’is weregekeerd. "Zie je wel," zeg ze tegen Liesebette, "da je me rienk gepakt èt." "Wa zoe kik je rienk gepakt èn," zeg Liesebette, "got dat hire agauwe gedaan zien," zeg ze, "mè je rienk!" "Ewel gi," zeg ze, "’k gon hem uuthalen!" En ze ga no die kasse, no die iezeren doze in de lienkschen hoek en (…) en die rienk zaat dorin. Z’aa zie die rienk verleid ee. Mor hoe wiste da vromens dadde, da dor in, in de Kongolane, dat die rienk dor in zat! Hoe wist ze zie dadde. Da die rienk dor in die doze zat. E vromens da ze, z’aa ze zie nog gezien, mo ze wiste ze nie da ze zie e rienk kwiet was. Ze wiste zie da nieë.

Een vrouw die niet meer goed wist wat ze deed, had één van haar twee ringen uitgetrokken. Later beschuldigde de vrouw een buurvrouw van diefstal. Op een snikhete dag ging de vrouw gekleed in een kapmantel naar een kaartlegster. Toen de vrouw terugkwam, sprak ze tot de buurvrouw: "Zie je wel dat jij mijn ring gestolen hebt!" De buurvrouw was de beschuldigingen al lang beu. Daarop sprak de vrouw echter: "Ik zal eens tonen waar jij mijn ring verborgen hebt!", en ze trok een lade open in het huis van de buurvrouw. De ring lag in de lade.

M.-R. Nijsters, Leuven, 1969

2.1 Heksen

west-vlaams (nw van houtland)

53.18

Moeder van de informant

fabulaat

Gistel    Gistel