STOP0137_0137_20975

Wor dat de boom stoend, wor dat Bakelandts name ingekapt stoend, wos ulder vergorplatse. Dat wos e staminee bij boer Vanassche. Dat wos roend de Vuufwege. De baas van de staminee wos zo ziek, datten moste berecht zijn. De domestiek ging achter de geestelijke. En otten kwam wor datten zijn moste, je belde. "Menere paster", zegten, "je zoe gij moeten meegon." De morte zei tegen de paster: "Je moet niet gon want je gaat aangepakt zijn deur de bende van Bakelandt." "Mor ba nink", zei de paster enne ging mee enne berechtte hem. En o ze nor ’t boerhof gingen, ze woren angepakt deur drie mannen. Ze vroegen wor dat ze gingen en de paster zei datten die boer dor ging gon berechten. Bakelandt zei datten olhier moste werekeren want datten anders ol den andern weg were ging angepakt zijn. O ze zieder hem berecht an, èn holf eure later, die mens wos dood. En in de staminee, de bazinne wiste dat dat de mannen van Bakelandt woren, mor ze begoer (gebaarde) zij van nieten. De dag kwam nu dat ze die boer mosten begraven. "Wel, wel, wel!" zei de boerinne tegen de domestiek, "je moet gij olleszins thuus bluven." Mor Bakelandt zei; "Gaat gij mor voort, ’t gaat hier nieten angeroerd zijn." O de boerinne werekeerde, wos er dor nieten gedon. ’t Wos dor olledage vergoringe en elkeen wiste toene wor datten nortoe moste. ‘k En dat toch ossan ozo horen vertellen. Ze zein ossan dat ze met e stik of twee, drie gingen deur ’t bus en je koste geen weugel nemen of ze zaten dorin. Z’èn zieder toen gepakt geweest mor ‘k kunnen dor lik geen bediet (inhoud) meer van zeggen. Z’èn ze toen onthoofd. Bakelandt wos de latsten.

SINSAG 1320 - Andere Räubergeschichten.    SINSAG 1320 - Andere Räubergeschichten.   

De bende van Bakelandt hield bijeenkomsten bij een boom bij de Vuufwege waarin hun naam gekerfd stond. In de buurt van die boom was een café. Toen de cafébaas op een dag zo ziek was dat hij de Laatste Sacramenten moest ontvangen, ging de knecht een geestelijke halen. De meid van de geestelijke sprak tot de pastoor: "Je moet niet meegaan, want je zal worden aangevallen door Bakelandt!" De pastoor maakte zich echter geen zorgen en ging mee. Onderweg werd het tweetal echter wel aangevallen door drie mannen. Bakelandt vroeg de pastoor waar hij naartoe ging. De geestelijke legde uit dat hij iemand de Laatste Sacramenten moest gaan geven en werd doorgelaten door Bakelandt. Een half uur na de berechting stierf de cafébaas. Toen de man begraven werd, sprak de weduwe tot de knecht: "Jij moet in ieder geval thuis blijven". Bakelandt zocht de knecht op en zei: "Vertrek jij maar, want hier zal niets gebeuren".
Toen de rovers van Bakelandt waren opgepakt, werden ze onthoofd. Bakelandt werd zelf als laatste onthoofd.

S. Top, Leuven, 1964

4. Historische sagen

west-vlaams (vrijbos)

67A

fabulaat

Vanassche
Bakelandt

Laatste Sacramenten    Laatste Sacramenten   

Bakelandt (bende van)    Bakelandt (bende van)   

bende van Bakelandt    bende van Bakelandt   

Woumen    Woumen   

Vuufwege    Vuufwege