PKNAB0275_0275_6641 - Geest van vader kwam terug

Mer, ich zèg mer, sómmige zakes daovan zijn toch wèrkelikheid huur. Toen mij vader gestorven waor, toen woënde-n ich hie nog mèt de moeder en m'n breurs (broers). En, naodat er begraven waor, heb ich zeven daag achterein, 's aoves, es ich in me bèd laog, en ich sleep hie zjus boven, tegen dizze giëvel aan, eederen aovend e kloppen gehuurd, en ich hauw (houd) 't d'rbij dat dat de geis van me vader waor, dèi nog gein rus haw gevónden. En, wie moot ich zèggen, ger zult misschiens mèt mich lachen es ich 't zèg, mer ich veulde dat in de loch, in den atmosfeer dat d'r get bezungers waor. Mer ja, get zèggen of get vraogen dorsj ich toen ouch neet, naoderhand wâl dèk (vaak) spijt van g'had, dat ich hem neet gevraog haw wat er wouw. En die anderen hie in 't huis lachden mich uit daomèt, allè, uitlachen precies, zij kosjten't toch neet ge'löüven. En die huurden niks, en ich huurde-n 't altijd. En toen dat zoë e paar daag gedoord haw, heel ich mich dat ins nao wielang (hoe-) dat bèizig waor: en dat waor toen de vijfden dâg, en toen waor 't naoderhand nog twië kiëren gekomen, en dów waor 't gedoon. En naoderhand dów zagten ze mich zoë: dat waor misschiens get gewèis, wat in de moer (muur) zaot, en dów heb ich nog ene brik uitgehaold veur te kijken of dat kosj, mer dao waor gein spauw in die moer of gei gât door die moer of niks, en dat klopden ouch hiël anders es van ratten of zoë; top-top-top, deeg dat, drij kiëren achterein eederes kiër. En kóm mer mèt kijken ónder de opvaart, woë ich dèi brik heb uitgehaold... (terplaatse:) hie zeet-der (ziet ge) het, en hie ZJUS boven huurde-n ich dat altijd; hie zeet-der, e zit nog los...

SINSAG 0456 - Der Poltergeist im Hause    SINSAG 0456 - Der Poltergeist im Hause   

Een jongeman hoorde zeven opeenvolgende dagen na de begrafenis van zijn vader een geklop op de muur van zijn slaapkamer. De jongen geloofde dat het de geest van zijn vader was, die nog geen rust had gevonden. Zijn moeder en zijn broers lachten de jongen uit omdat zij het geluid zelf niet hoorden. De jongeman haalde zelfs een steen uit de muur om te onderzoeken wat de oorzaak van het geklop kon zijn. Hij vond echter niets.

P. Knabben, Leuven, 1970

1.4 Luchtgeesten

limburgs (maasvallei)

O/VIII/167

memoraat

Opgrimbie    Opgrimbie