ACORN0095_0096_12035 - De Ijslandvaarder en de toverheks

‘k Aan ik e broere zestien moanen oeder of ikke. Mo nu die mêns ’t was azo ’n kluchtenspeeldre, verstoait, e kost e bitje gekken en ook egekt med’n oed wüvetje ier üt De Panne en e voarde mi die zeune up e boot en e was ie ton epakt enee. Mo nu ’n adde e joar op Iesland egoan, e frissche joengen en e komt were thüs en otten op Iesland was... Mor ieder kèè o ’t avond was ee - in den oeden tied die üzetjes woaren aal mid ’n gat voer under vül woater no büten te vagen - mo da gebeurde otten ie thüs was. “Doa zi” zeiten “ze zien doa”. ’t Kwaam toar e püt gelopen üt da gotegat, damme zeggen. En e lei doavan op de groend datten ezo e pakt was van dat wüvetje... Mê me moeder no de paster van Kessiede, Lootens damme zeggen, en achter de messe me moeder goenk mê num no de sakristie. En zegten tegen moeder: “Moeder” zegten “zeg da je zeune goat” zegten “gunter an de keminiebank” zegten. Zo moeder zeg ta... en ’n oor ’t ook en e goenk ie no büten.“Moedertje”, zegten “’t is joen schuld”, zegten , “da je ’t zo verre ê loaten kommen” zegten ... Nê ‘k zoen ’t èène vertellen voo ’t ander. “Go no de Kemieniebank” zegten. De paster laas toar over num. E me broer gienk an ’t gruwelen en de paster goenk an ’t gruwelen: “Moedertje” zegten “kom eki mee no de sakristie, moedertej” zegten. “Kannen der nieten an doen” zegten “’t is te verre”. En da was al e bitje datten ie azo epakt was.

SINSAG 0580 - Andere Hexenkünste    SINSAG 0580 - Andere Hexenkünste   

Een Ijslandvaarder had gespot met een vrouwtje uit De Panne. Toen de man terugkwam van een verblijf in Ijsland, zag hij in zijn huis een kikker binnenkomen langs het afvoergat voor het water. Dat was het bewuste vrouwtje. De moeder van de man ging naar de pastoor. De man moest op de communiebank gaan zitten, waar de pastoor hem zou overlezen. De pastoor stelde vast dat hij niets meer kon doen: de beheksing was al te ver gevorderd.

A. Cornelis, Gent, 1958

2.1 Heksen

west-vlaams (kust)

12

fabulaat

Ijslandvaarder    Ijslandvaarder   

De Panne    De Panne   

De Panne    De Panne