JVENK0189_0190_10264 - Spookhuis in de Boyen

Dao waas ’n plaats dao spoêkden het altied. Dow ginge ze nao de pestoer waat het toch waas. "Ja, waat zou het zijn? De huurs toch niks." Ze zagte dat altied stein duor de vinster inkième, achter en väör, hetzelfde woe ze wuore. De pestoer zat zich dan gereid vuer te zeen van woe dat dat kaom. Iè zaat e bitsje, daomèt "klaats" eine duor de vinster in. Väör ouch nogal eine. "Maa potverdomme", zag de pestoer, "dat is toch aardig. En dao stuit nörges geine stroëk of niks". En iè ging zich dat allemaol aafkieke. Dao waas toch niks te zeen. En tewiel dat de pestoer dao waas hauwe ze de hiêl roete kepot gegoeid, en iè wos van niks. "Ja, ich zal dat hoes ins laote ziègenen en dan mootder tiènge zondig allemaol te kommunie guon, dan zal het toch wel gedaan zijn." En iè ziègende dat hoes en ze belaofde dat ze allemaol te kommunie ginge. Maa de vrouw hauw pap gekuok ’s aoves, de kiètel stong oppe taofel. "Menier pestoer, ger zoudt get mètiète." "Jaja", zaet er, "ik zal zièker get métiète". En iè zaat aan de taofel en in eine kier vilt van buove ene klot leim aaf nao de kiètel in. "Waat is dat now?" De pestoer wosj neet waat er ging doen. "We moete maar bidde daarvoor" zaet er. Maa iè meusj bekènne dat het ech waas. Dow wuore ze te kommunie gewaes en de pestoer hauw hun dat gebedje gegièven en iè hauw gebaejd en ziej hauwe gebaejd, maa ze wuore toch mote vertrèkken oet het hoes, höb ich altied hure zègge.Of het waor is gewaes, ich weij het neet. Dat is hiej in de Boejen ouch gewaes.

SINSAG 0478 - Andere Erlebnisse; unbeschreibbare Spukerscheinungen.    SINSAG 0478 - Andere Erlebnisse; unbeschreibbare Spukerscheinungen.   

In Boyen (Stokkem) stond een huis waar het spookte. Er werden altijd stenen door de ruit gegooid. De pastoor kwam het huis zegenen en droeg de bewoners op om zondag allemaal te communie te gaan. Toen de pastoor 's avonds bij de mensen bleef eten, viel er plots een brok leem van het plafond in de pap. Uiteindelijk zijn de mensen moeten verhuizen.

J. Venken, Leuven, 1968

1.4 Luchtgeesten

limburgs (maasvallei)

182

fabulaat

Boyen (Stokkem)    Boyen (Stokkem)   

Boyen (Stokkem)    Boyen (Stokkem)