ACORN0161_0162_12127 - De visser met de zes kleine zwaantjes

Da was e visscher ên je gienk no zèè met de sloepen nog in de tied ee. En osten an d’oede kerke komt woa da de peperbusse nu nog assan stoat, ter lopen doa zes klèène zwoantjes, gèèle klintjes; “Wa doet dadde ier” zegten “in ’t gat van de nacht, die zwoantjes. Kom bèèsje kom” zegten, en med under panger ee woa mee daan ze no zèè giengen mid under proviesje, under mande ütgerust dasse zein, lokten die bèèsjes bie em en stikten z’n in ze panger. Enne je go no ’t schip, en je go no zèè, en je zegdie an niemand niet. En oan ze al verre in zèè zien, d’èèste nacht vertelten, wa datten doa mee êt en woa datten da gevoegen êt.“Ja mo” zegt de kappeting “rap je gie mor alles op” zegt de stierman ewo.“Ewê”, zegten “wad is ter doar an gelegen” zegten “omme binnen zien ‘k gon z’ekik lienks of rechts dragen, ze kunnen z’op kwèèken” zegten. Mo nu den twidden nacht je wilt die bèèsjes eten geven en da zien in de platse dosoofden. Je roept de kappeting en roept de zes andere mannen, - zes mannen en e joengen is ter an boord van de sloepen - en die mânschen stoan aal verstomd. En zegt de kapting: “Dat is e slich voortèèken” zegten “ke gon ik nie vors” zegten “ke goan ekik nie verder op de visvangste, ‘k gon ik werekèèren” zegten en je vroege d’ander mênschen under avies, en zieder weregekèèrd. En oan ze binnen kwamen die vint die ze gevangen adde doar an de peperbusse ze wüf was dood, ze wüf was gestorven.

Een visser die in het holst van de nacht met zijn sloepen naar zee ging, kwam onderweg zes kleine zwaantjes tegen. De visser zette de dieren in zijn mand. Toen de visser pas op zee was, vertelde hij niets aan de andere bemanningsleden van het schip. Pas tijdens de eerste nacht, wanneer het schip al ver op zee was, vertelde hij over de zwaantjes. Tijdens de tweede nacht ging de visser de zes zwaantjes eten geven. Tot zijn grote ontzetting stelde hij vast dat de zwaantjes in doodshoofden waren veranderd. In de overtuiging dat het om een slecht voorteken ging, besloot de kapitein terug te keren. Toen het schip aanmeerde, vernam de visser die de zwaantjes had gevangen dat zijn vrouw was overleden.

A. Cornelis, Gent, 1958

1.4 Luchtgeesten

west-vlaams (kust)

104

fabulaat

Oostende    Oostende