PKNAB0195_0196_6509 - Heks deed siroop mislukken

Mer ich persoënlik, mer dat is wâl geleejen, zestig jaor, nein toch gein zestig jaor, in de vijftig wel, ich haw sjroëpstokerij jà, ich haw dat op 't aud sistèim gedaon en nao den oorlog van viërtien-achttiën begin ich mèt 'n sirpentin (... uitleg over werking ervan). Mer ich waor dao d'ów mèt begosj en Methieu van Merieke, Thieu Gorisssen, dèi woënde op de steinwêg later dao en dèi waor hie bij mich, ich haw werkluj ouch bij mich. Ich haw sjroëp gestook en dèi haw ich get gauw âfgepak en natuurlik es dèi good waor de stoum âfgesloten, dao had ger ónder ene kraan en natuurlik dèi sjroëp waor vloeibaar es dèi heit waor. Mer es dèi âfkeulde, wie dikker dat dèi woor (werd), mer DEI leep wie water . En dan hawwen ver hie dèngese, Bet van Gilissen - dich hebs die neet gekènde dat kan neet - mer die woënden op de steiwêg en die waor getrouwd mèt dèngese, de baard van Kristus, hedden (heette) ee nów Gilissen, of die vrouw. En die haw de naam van heks te zijn. Bet, jao de mósj oppassen veur Bet es dich die betouverde dan has-te het zitten hé. Mer dèi sjroëp is neet stijf genóg hé en ich zèg: ''t is niks'; ich stook hem op, schud 'm trug de ketel in hé, stoum. Stoum. Het bougeerde neet hé, mene sjroëp blèif kaud in de dènge hé. En dèi stoum smètvolle geweld d'rdoor, 't gâf niks. 'Wat is dat nów?' aan 't prakkezeren, 'wat is dat nów' hé. En Methieu steit bij mich hé, boven dat is zoë 'ne mèiter of twië-drij hoëg, en dao kosj-te kijken het veld op, dao. En Bet waor aan 't werk dao, die hawwen e land wat ze labeurden hé. Ich staon dao te prakkezeren en toen zèit Methieu: 'Bet hèit den hiële boel betouverd', haha! Mer dat waor neet waor natuurlik, en naoderhand zaog ich wat ich vergeten haw: 'n kleinigheid (... geeft verklaring i.v.m. werking van installatie). Mer Methieu waor euvertuug (overtuigd): 'Bet, Bet hèit den hiële boel betouverd.' En dat waor en dat woor (werd) aangenomen, van die dèngen hé.

SINSAG 0580 - Andere Hexenkünste    SINSAG 0580 - Andere Hexenkünste   

Celestinus was bezig met het bereiden van stroop, terwijl zijn vriend Methieu hem gezelschap hield. Die dag wilde de stroop echter niet stijf worden. Toen de man het nog een keer probeerde, lukte het weer niet. "De heks Bet is wat verderop aan het werk in het veld!" zei Methieu, "Zij heeft de stroop zeker betoverd!" Even later stelde Celestinus vast dat hij gewoon iets vergeten was. Methieu bleef er echter van overtuigd dat de heks de oorzaak van het probleem was.

P. Knabben, Leuven, 1970

2.1 Heksen

limburgs (maasvallei)

M/VII/47

Minstens 50 jaar geleden

memoraat

Methieu    Methieu   

Bet    Bet   

Celestinus    Celestinus   

Maasmechelen    Maasmechelen