STOP0016_0017_20650

Cyriel Blomme wunde in d’herberg "’t Lam" te Sintjeliens. Theofiel Devos zat dor ol èn eure in de café. Enne keek hij oltijd deur ’t vijnster nor Puypes huus viftien meter verder. Wieder zaten dor in de keuken. ‘k Hadde dor nog e paar pinten te goed. Pollet kwam toen toe, mor wieder wisten dat niet. Pollet stoend bij den toog bij de bazinne. Enne informeerde wuk dat er dor ollemale ging verkocht zijn bij boer Puype. Puype wos e rentenier. Pollet peinsde van dor e slag te slon, mor ’t wos ollemale weg. De schoolmeester had olles weggenomen. Mor Pollet wiste dat niet. Dezelfden nacht e Pollet toen bij Puypes binnengebroken. ’s Anderndaags ’s nuchtens stoend er dor e hele masse volk. ‘k Wos toen up roende voor mijn werk. Ze vertelden dat Jan Bossaert die dor ging gon overnachten bij e boeremeisten, die dor morte was, want Puype wos dood, in de lucht geschoten had. De butenvijnster wos upgepraamd (met geweld opengeschoven). ’t Woren butenlukers an dat huus met greppels (spleten). Z’èn die lukers opengepraamd en dat vijnster upgepraamd met e koeter (kouter, stuk ijzer van ploeg). De deuren woren toe met e schuvetje. Ze mosten eerst dat schuvetje opendoen om in de gang te kommen. De menschen zein dat ze binnengebroeken woren deur middel van èn hakschge die gekruld wos. ‘k Zein ik toen, "Je zijt gieder zeker zot? Dat gaat niet met èn hakschge. Enn’e dat met zijn mes gedon." ‘k En dat toen vorengetoogd (-getoond). Ze zein toen dat ‘k ik bij de bende geweest wos, mor ’t wos natuurlijk nieten van. ‘k Zein ik toen dat ‘k ik zo stom niet wos lik zieder. Pollet wos e grote vint. Derooige wos e kleen vintje mor e dik. De bazinne e moeten nor ’t tribunaal gon o ze gecondamneerd woren. De bazinne wos Blommes wuuf. Ze noemde Emma Verschore. Heur broere is getrouwd met mijn nichte.

SINSAG 1320 - Andere Räubergeschichten.    SINSAG 1320 - Andere Räubergeschichten.   

In een herberg zat een man de hele tijd door het raam te kijken naar het huis van een rentenier die was gestorven. Even later kwam in de herberg een man binnen, van wie men niet wist dat het de rover Pollet was. Pollet vroeg aan de herbergierster wat er allemaal zou verkocht worden bij de rentenier. De rover wist echter niet dat de schoolmeester de bezittingen van de rentenier had weggehaald. De volgende nacht pleegde de bende van Pollet een inbraak in het huis van de rentenier. 's Avonds was daar een man gaan overnachten bij de meid van de overleden rentenier. Die man had in de lucht geschoten om de andere rovers te verwittigen.
De herbergierster is achteraf naar de rechtbank moeten gaan om te getuigen.

S. Top, Leuven, 1964

4. Historische sagen

west-vlaams (vrijbos)

9D

memoraat

Cyriel Blomme
Theofiel Devos
Devos Theofiel

Blomme Cyriel
Jan Bossaert
Bossaert Jan

Pollet (bende van)    Pollet (bende van)   

't Lam (herberg)    't Lam (herberg)   

bende van Pollet    bende van Pollet   

Westrozebeke    Westrozebeke