MDESC0131_0131_15119 - Kapelaan doet brand ophouden, spijt tegenwerking van een heks

En toene, oek in veertiene-achttiene, an ’t Zotvliet, ’t viel daor e bomme up en uus, en ’t schoot in brande, nateurlik. En ’t kwam daor en oed, oed wuuf biej: “Heel dat uus gaot oflaoi’n”, zei ze. En d’n kaplaon kwam dao djuuste, en en oord’iej datte: “’t En doet”, zeit’n, “dat uus gao nie hele oflaoi’n”! zeit’n. En ziej zei: “’t Doet, ’t gao wel oflaoi’n”! En iej zei were: “’t En doet”! “’t Doet”! zei ze ziej were. “En ’t is nu ik teg’n giej! En ik zegg’n da dat uus helegans gaot obrann’n”! En d’n kaplaon zei were: “’t En doet! Ewel, jao’t”, zeit’n, “’t is nu ik teg’n giej! En me gaon ’t e keeje zien! Ik zegg’n da dat uus nie hele gaot ofbrann’n! En ’t gaot ezo zien”! En e gienk d’r gaon zitt’n, djuuste oender de vlamm’n. En e beguste te lez’n in ze kerkeboek. “’t Gene die brandt, gaot upbrann’n”, zegt’n, “mao ’t gao nie meeje verder brann’n”. “’t Gaot brann’n oender joen”! zei ze, dat wuuf. “’’t Gene die brandt, gaot upbrann’n, mao niet’n anders”! En ’t ed ezo ewist, wi! En ziej e ’t meug’n oftrapp’n, ier.

Tijdens de eerste wereldoorlog was bij 't Zotvliet een bom op een huis gevallen. Toen het huis al in brand stond, kwam er een oude vrouw voorbij die zei: "Dat huis zal helemaal afbranden". De kapelaan had gehoord wat de vrouw zei en antwoordde: "Neen, dat zal het niet!" De oude vrouw wilde echter niet toegeven, waardoor het tweetal een eindeloze discussie voerde. Uiteindelijk begon de kapelaan in zijn kerkboek te lezen, waarop de oude vrouw zei: "Het zal nog branden tot onder jou!" De kapelaan antwoordde: "Al wat in brand staat, zal afbranden, maar de rest zal gespaard blijven!" De kapelaan kreeg gelijk.

M. Deschrijver, Gent, 1961

2.2 Tovenaars

west-vlaams (poperinge en omstreken)

276

WOI

fabulaat

Zotvliet (Elverdinge)    Zotvliet (Elverdinge)   

Elverdinge    Elverdinge   

Zotvliet (Elverdinge)    Zotvliet (Elverdinge)