FVANH0234_0235_18044

‘k Ga nu entwadde vertellen dat ‘k nog nooit, nooit aan niemand verteld heb. ’t Was van ’n eigen nichte van mij.En in ’t eerste dat ze getrouwd was, ze ging met boter naar de markt naar Kortrijk hé en ze zat in de statie en ze was in dracht van heur oudste meiske. En ’t zette heur ’n oud vrouwke bij heur en ze sprak tegen heur – ‘k weet niet meer wadde – en mijn nichtje ging bevreesd naar huis. En dat kind heeft nooit normaal geweest. En ‘k ginge ‘ne keer op bezoek naar die nichte, en al de kinders waren aan ’t spel op ’t hof van dat boerderietje, want ’t was ’n boerderietje waarop dat mijn nichtje weunde. En ‘k zie in de kamer, in de deure die open staat, dat kind met diezelfde kinderkleren aan daar staan – ’t zijn mijn gedachten niet zulle – en de anderen waren aan ’t spel. En dat wijf was daar were op ’t hof! En dat kind bleef heel den tijd kijken naar dat wijf en ze koste niet weg, en dat kind wiste zelve dat ’t heur schuld was en blijft daar kijken in zijn kinderkleedjes. ’t Was wreed om te zien.

SINSAG 0580 - Andere Hexenkünste    SINSAG 0580 - Andere Hexenkünste   

Een zwangere vrouw die boter naar de markt in Kortrijk ging brengen, kwam onderweg een vrouwtje tegen, dat naast haar kwam zitten en met haar sprak. Die dag ging de zwangere vrouw doodsbang naar huis. Haar kind is nooit normaal geweest. Toen de kinderen van de vrouw op een dag aan het spelen was, stond dat ene kind naar de deur te kijken. Daar stond immers de heks die het kind had betoverd.

F. Van Houdenhove, Leuven, 1967

2.1 Heksen

west-vlaams (tussen schelde en leie)

344

Nicht van de informant

fabulaat

Anzegem    Anzegem   

Kortrijk    Kortrijk