ACORN0224_0225_12222 - Onderaardse gangen van het Flêreskot-weg

‘k En ik dat ook oal mor oren zeggen van ène die doa geweund êt. Enne da vromêns verteldigde altied tegen mien, o s’euder wilden grèèd doen voe no de messe te goan da se noois kloar grochten, mor on z’under wilden grèèd doen voer üt te goan dat al ’t werk gedoan was en dat alles in order was en rechtüt geklid, da’t aal gienk allèène. En datter ’t èèn en ’t ander ommegienk ee.Mo dat er doar ’n oenderoardsche groend is, is ollesiens woar wi, wan ‘k ên ik in Sint Joris geweund in mien kienderjoaren, woa dat de dienk doa woaren... oe zoen’k da namen, de forten up e boerofstee. En da kwam van ’t Flêreskot, joa’t. En j’ê doa ton de Düvelstorre, in Nieuwpoort? Ewêl ‘k ‘ên ik oltied gelèèrd en oren zeggen, nog van oeder of ik, dat er oender den Iezer doar azo nen oendergank was, die doar aal no liep, gunter no die forten en van die forten ier no de dienk ier, no ’t Flêreskot. ‘k En ik dat oltietsen oren zeggen, ‘k weten ik doar anders ook aal niet van, wan ’t is voo mien tied aal gebeurd. Die forten stoengen doa van de tiede van Napoleon, ên ‘k ik altied oren zeggen wi.‘k En ’t nie gezien, ‘k sien nie oed genoeg, in Sient Jor0is in Niepoort.

Een vrouw uit Sint-Joris (Nieuwpoort) raakte nooit tijdig klaar met haar werk wanneer ze naar de mis wilde gaan. Wanneer de vrouw wilde uitgaan, was er echter geen probleem.
Onder de Ijzer zou er een gang hebben bestaan, die de forten van Napoleon verbonde met het Flêruskot.

A. Cornelis, Gent, 1958

4. Historische sagen

west-vlaams (kust)

199

fabulaat

Napoleon    Napoleon   

Napoleon    Napoleon   

Flêruskot (Sint-Joris, Nieuwpoort)    Flêruskot (Sint-Joris, Nieuwpoort)   

Raversijde    Raversijde   

Ijzer    Ijzer   

Flêruskot (Sint-Joris, Nieuwpoort)    Flêruskot (Sint-Joris, Nieuwpoort)   

Sint-Joris (Nieuwpoort)    Sint-Joris (Nieuwpoort)