ACORN0096_0096_12036 - Ijslandvaarder betoverd

Da was e zekere ... Gusten Riesten se broer, mor oe da tie mêns èèt wan die mêns is dood doavan... Je was nu van Iesland gekommen. Zoda was juste Dieksche kermesse genaamd, en da bestoa nog die Dieksche kermesse, dat is an Adinkerke ziet. ’t Geloven da dat èèn is van d’èèste kermessen die upgekommen zien. En ’t was doar nu ’n daanszale mo je betaalden ton vüventwientig centiemen antree, mo ze mochten gèèl den avend binnen mi ta kartje. Zo ’n ad ie nu e kartje gad van zien kameroad voer in die daanszale te goan. En e god ie binnen in die daanszale tewege en zeg ta wüvetje, da was e wüvetje mid e schèèf moendje die dao die kartjes ütdèèlde en die de kartjes bekèèk. En zeg se tegen die Gusten “J’en êgie ier nog nie binnen gewist”, “Toetoet” zegten “kiek”.“Ni ni je” zegt da mênschje. En gèèstig zien en misschien e pientje gedroenken ên, je begin nu te lachen mi da wüvetje die doar an de deure stoat; en mi je schèèf moendje olier en ’t èèn en ’t ander, ja wiene datten ie ollegoare gezeid ed... En tegen datten goed in de danszale was stoeg ze moendje ook azo ee. En ’n is ie ’s aves nor üs gegoan en ze kosten zieder die joengen an gin kanten mi mèèster. En die joengen ed dat achter e zeker dagen bestorven. Da was mi ’t lachen mê ta mêns.

SINSAG 0580 - Andere Hexenkünste    SINSAG 0580 - Andere Hexenkünste   

Een Ijslandvaarder die net terug was van een reis, ging naar de kermis. Een toegangskaartje voor de danszaal kostte vijfentwintig centiemen, maar men mocht dan wel de hele avond binnen en buiten lopen. De vrouw die de kaartjes controleerde, had een scheve mond. Toen de vrouw beweerde dat de Ijslandvaarder nog niet had betaald, begon de man te spotten met de vrouw. Hij was echter nog maar net binnen in de danszaal, of zijn mond stond ook scheef. Enkele dagen later is de man zelfs gestorven.

A. Cornelis, Gent, 1958

2.1 Heksen

west-vlaams (kust)

13

fabulaat

Ijslandvaarder    Ijslandvaarder   

Nieuwpoort    Nieuwpoort