JVENK0232_0233_10288 - Vergadering te Tudderen

Ich waas biej d’n troep en ich waas in ’t kamp van Arlon, dao moos ich het kamp gaon doën. Maa ich waas neet mèt de kompeniej eweggegange, ich waas achternaogekommen om ich waas in de kueken en ich moos nog in de kueke blieve bij die onderoffeseren en dat deink. Don wuore die al ene daag of tien eweg en don moos ich naoguon en ich mos dao neet lang blieve. Don kaam ich dao in Stockem duor dat dörpken en dao laag de kompeniej. Don op ’n plaats dao guon slaope. Hiej slope der drie, dao slope ter twiê, zoe hiel hoezer aaf slope ter. Don waas ich dao zoe ene daag of twie, don zaet dao eine tiènge mich: "Zouw ver ins het dörp inguon?" Wer hoofde neet nao d’n tir te guon, het waas dan middes. Ich zèg: "Jao". Don midden het dörp in, dao waas ene groete pool (poel); ene wiejer, dae waas midden in het dörp gemaak. Dao stingen aan de kant allemaol paolen en op die paole wuore baddings op geniègeld en op die baddings dao zuote wiever, op te sjrobbe, op te wassen en te borstele, lakes, himmes (hemden), al waat ze hauwe, bokse (broeken), jes (jassen). En dao wuore zoe e stök of drie wiever nièvenein te wassen en wièr stiènge dao zoe nao te kieke. En die zagte niks en wièr zagten ouch niks. Maa dow kaam dao zoe ’n aud wiefken aan, dat blaef dao ouch staon, het ging op ene stek. Don zaet ein: "Dao is de heks". "Laot ze maar komme", zagte die, "die dar (durft) os toch neet get". Maa kump ze dao duor en steit ze zoe neet wuud van mich aaf. Ich bekiek häör zoe ins. "Woevandan zeet gièr" zag ze. Ich zèg: "Van Mezeik. Wètder dat ligge?" "Jao, dat weit ich good ligge", zag ze, "dat is neet wuud van Dedere". "Oh", zèg ich, "dat waas de verzamelplaats van de hekse vreger". Dao mooste de hekse hene vlegen om twelf ore ’s nachs. Ich zèg: "Dan zeet gièr dao ouch hene gevluoge?!" "Jao, dèk", zag ze, "dèk", en don ging ze duor. "Zuus (ziet ge) het wal" zag die ein tièngen ’n anger, "dat het ’n heks is".

Enkele soldaten stonden bij een poel waar de vrouwen kleren aan het wassen waren. Toen er opeens een oud vrouwtje aankwam, sprak één van de vrouwen: "Daar is de heks!" Het vrouwtje vroeg aan de soldaat vanwaar hij afkomstig was. "Van Maaseik", antwoordde de soldaat, "dat was vroeger de vergaderplaats van de heksen. Om middernacht vlogen ze daar allemaal naartoe. Ben jij daar vroeger ook naartoe gevlogen?" Daarop antwoordde het vrouwtje: "Ja, dikwijls!"

J. Venken, Leuven, 1968

2.1 Heksen

limburgs (maasvallei)

206

memoraat

Elen    Elen   

Maaseik    Maaseik