PKNAB0342_0342_6731 - Heks herkend: kan niet over kruis heen

Ich heb zelf e geval aan der hand g'had, bij ós in 't huis. Dao kaom 'n vrouw van Uukeve, die kaom altijd bedelen. En dat huis van ós, hie kaoms-te in, dao gings-te de winkel in en dan woar dao 'n deur veur de kamer in en de gangk (steeds gebaren), du kosj ouch de gangk doorgoon es-te nao de keuken in wouws, dan gings-te die deur in. En ze hawwen ós altijd gezag: dat is 'n heks. Mer ich dènk, ene vieze kiër, 'ich moot dat toch weiten', dach ich. Ich haw zoë e smoesje huren vertèllen, es-te e kruuske lags (legde) mèt ene gewijde palm aan, dan gingen ze dao neet euver en zoë van alles hé. En ich haw ze zien inkómmen, mer ich ging neet in, de vrouw ging de winkel in, ze waor ouch, ze gaof altijd get slók es ze kaom. En ich, gauw dao-achter um, kruuske in wijwater gesop (gedopt), e päjmke (palmke) en dat in kruus veur de deur gelag, en ze ging achter uit en ze is noëts miër bij ós bènnen gewèis! Ver hawwen anders niks, as zjus, ver gaoven heur altijd e kwârtje en dan ging ze. Ze ging ouch altijd weer trug uit, woë ze waor in'komen, en deze kiër ging ze achter door uit. En ze is noëts miër bij ós bènnen gewèis. Jà, du moos zèggen, dat is toch wel get aardigs, es dich nów bij mich gewènd bès te komen...

Een winkelierster kreeg altijd een bedelares uit Uikhoven over de vloer, aan wie ze gewoonlijk een kwartje gaf. Omdat de vrouw al vaak had horen zeggen dat de bedelares een heks was, wilde ze de proef op de som nemen. Toen de winkelierster de bedelares zag binnenkomen, liep ze snel weg om een kruisje met een gewijd palmtakje te halen en dat voor de deur te leggen. Hoewel de bedelares altijd naar buiten ging langswaar ze was binnengekomen, verliet ze de winkel deze keer langs de achterdeur. Sindsdien is de bedelares nooit meer in de winkel geweest.

P. Knabben, Leuven, 1970

2.1 Heksen

limburgs (maasvallei)

O/XV/244

memoraat

Bandopname

Opgrimbie    Opgrimbie   

Uikhoven    Uikhoven