STOP0038_0039_20716

Wieder an die boek helemale bij uus thuus. ’t Kwam dor toen e vint die dien boek goed koste lezen. Dor stoend in wor dat z’ingebroken woren, in hoenderden plekken en meer. Ze woren met e grote bende wè! Diepe in ’t bus an z’e platse wor dat ze de menschen instaken. Z’èn twee boerezeuns in ‘t bus meegesleept en z’in ’t bus vermoord. Bakelandt en zijn bende èn onthoofd geweest in Ieper. Bakelandt e z’ollemale zien onthoofden. Enne vroeg om z’ollemale te zien onthoofden. Binsten dag gingen ze hier en dor werken. Z’èn beklapt geweest deur de wuven. Bakelandt ging overal uut. Den ene keer wossen olzo gekleed en den andern keer olzo. ’t Kende hem niemand. Die bende bestoend uut e man of vuventwintig, dertig. ’t Wos dor vrovolk mee. Ze dein zieder de menage (huishouden) dor. Ze gingen zieder ook mee. ’t E meest deure gekommen deur ’t vrovolk omdat dat kletsers woren. Bij nachte staken z’olles uut. Ze vielen ook de menschen an o ze peinsden dat ze geld an. Z’an zieder alaam om binnen te breken. Z’èn d’er vele vermoord. Mor ‘k kunnen ik dat ollemale niet meer zeggen. Mor dat stoend ollemale in de boek.

SINSAG 1320 - Andere Räubergeschichten.    SINSAG 1320 - Andere Räubergeschichten.   

De bende van Bakelandt had een spelonk in het bos. Op een dag vermoordden de rovers twee boerenzonen die ze eerst naar het bos hadden gesleurd. De rovers van Bakelandt werden onthoofd in Ieper. Bakelandt zelf werd als laatste onthoofd omdat hij dat had gevraagd. Overdag gingen de rovers op verschillende plaatsen werken. Ze werden verraden door het geklets van hun echtgenotes. Bakelandt zelf droeg altijd andere kleren, zodat men hem nergens herkende. De bende van Bakelandt bestond uit vijfentwintig of dertig rovers, waaronder ook enkele vrouwen. De rovers pleegden veel inbraken en moorden.

S. Top, Leuven, 1964

4. Historische sagen

west-vlaams (vrijbos)

19A

fabulaat

Bakelandt (bende van)    Bakelandt (bende van)   

bende van Bakelandt    bende van Bakelandt   

Staden    Staden   

Ieper    Ieper