NGODE0089_0090_27196

Rachel: Moar, 'k èn ik een toer tegengekomen. (…) Uze Lutgard, hier geboren en Moarje Klakoet, gi èt dat gekend hee. Moarje Klakoet, die met heur voeten azo gingk (toont voor, voeten zijn volledig naar binnen gedraaid) boven mekoar hee. Uze Lutgarde kwam up de weireld en ik wist ik dat niet, en hij zei hij dat niet of de dokteur en ot dat kindje gewossen was en geklid was en hee in 't sauzje gedroid mocht ik dat kindje z'n wezen ekei zien. 't Goat een schoontje worden wè zegt de zuster, 't goat een schoontje worden wè moa je meugt het niet in je arms houden, je meugt het wel in je arms pakken moa de sjauzje mag niet los. 'k Zeggen da's roare. 'k zeggen dat kindje mag niet nevens me staan ook. En dat was toen mode dat de kindjes in ulder bedje mochten nevens de moeder stoan hee. Dat kindje wier niet gebrocht. En 'k zeggen ik up een zekere kei, 'k zeggen 'k goan ik een kei in die kinderkoamer goan doar. 'k Zeggen goan ik een kei dat kindje z'n sjauzje upheffen. Moa 'k zien ik die voetjes in een appareitje zitten, olletwei. 'k goan ik naar dien dokteur. Moa 'k zeggen tegen hem, 'k zeggen nu hè 'k ik mijn kindje gezien en 'k zeggen nu hè 'k ik gezien dat dat kindje gehandicapt is. Nee madam, zegt ie, dat kindje is niet gehandicapt, moar oj dat kindje wilt gezond hèn, goj dat kindje olle veirtien doagen of drie weken t'hoogste zegt ie moeten were bringen noa de klinieke. Dat appareitje zegt ie moet veranderd worden, olle drie weken. Dat voetje groeit en dat voetje moet rechte komen deur dat appareitje. 't Moet z'n ein voetje zegt ie vooruit zetten voe t'andere recht te hèn. Hej gi gèn mens zegt ie daj tevele noa gekeken ét die azo goat? En 'k zeggen ik dat tegen miene dokteur hier: ze zeggen héj gi niet tevele gekeken noa dat vrouwtje die gunter azo goat in Eirnegem? Voetje voor hee voe 't andere zetten. 'k zeggen bajoat en ze kwam toen nog altied up mijn schoere kloppen, 'k zeggen ze zettege heur altied voe me of nevens me of bachten me en 'k zeggen ze klopte alten up mijn schoere. Niet kunnen klappen gow. Moa ze kwam toch noa de kerke en ze zette zi heur voetjes… Jè gi doa veel te vele noa gekeken. Dat was Moaje Vandewalle. En die voetjes zin goed gekomen.Ze goat zi nu lik een ander mens, moa ze wit dat ze azo geboren is.Nele: En dat was door 'Moaje' zelf?Rachel: Jaja.Nele: Dat kwam door haar, doordat ze op je schouder geklopt had?Rachel: Jaja. Dat zin azo al van die eigenschappen…

Een moeder had tijdens haar zwangerschap gekeken naar een vrouw wiens voeten helemaal naar binnen waren gedraaid. Toen de moeder bevallen was, wikkelde men het kind in een dekentje. De moeder mocht het dekentje niet wegnemen en het kind mocht ook niet bij haar op de kamer slapen. Een tijdje later ontdekte de moeder dat men een beugel rond de voetjes van het kind had gedaan. De dokter legde uit dat dat nodig was opdat de voetjes van het kind recht zouden groeien. Iedere twee weken zou de moeder haar kind naar het ziekenhuis moeten brengen om de beugel te laten aanspannen. De dokter sprak tot de vrouw: "Je kind is niet gehandicapt. Alles zal in orde komen. Heb je tijdens je zwangerschap niet te veel gekeken naar iemand die zo'n afwijking heeft?" De moeder herinnerde zich de vrouw met de scheefgegroeide voeten. Die vrouw had de moeder bovendien op de schouder geklopt. Daardoor had het kind een afwijking bij de geboorte. De voetjes van het kind zijn echter niet scheef gegroeid door de behandeling van de dokter.

N. Goderis, Leuven, 2003

2.1 Heksen

west-vlaams (torhout en omstreken)

9ss

fabulaat

Moarje Klakoet    Moarje Klakoet   

Torhout    Torhout