ACORN0128_0129_12082 - Van de boerenknecht die toverde?

Die Artheur Cortèèl, woamee dank ik gevoaren adde, die joengen adde nog up ’n ofstee gewerkt en die mêns adde nu mid e cierk no Diksmüde gewist. Ja da was ton ollemole getrokken per pêerd.En ’n adde van Veuren no Diksmüde gewist en ’n adde doa nu ’n boek gêd van èèn van die cierkemannen en olle soorten van keunsten datten ie gelèèrd ade in die tied, e was ie twi dagen weg tegen datten ie in Diksmüde was mê tie cierk - da was e dag voe te goan en ton ütteslapen. En Roze Denie, da je wê gekend êt, die mênschen adden ton zodoanig vele vüligheid, die knechten die doa waoren en die kartongs in euder bedde. En zegten tegen de kartong, ja ’t woaren doa twi kartongs en e poester en ton nog e mêns of twèè, da was e schrikkelijk grote ofstee: “m’ê wieder ier zukke vüligheid en ’t is noois geküst”. En ze sliepen ton in e koetse. En zegt die knecht die mêdie cierk no Dieksmüde gewist ade: “Je god eki zien wi” zegten “Roze wilt üs bedde nie küssen, je go morgen de sargen zien bûten angen wi”. En ’n ad ie doa begunnen in die boek lezen datten doa ged adde van è èèn van die cierk en twi dagen noadien de sargen van Roze angden oal büten da’se ook zovele lüzen adde.En Roze adde pannekoeken gebakken, mo da was ton de tied da te poesters en de knechten opart ate an de tafel. Z’adden zieder pannekoeken geten en ’t woaren der nog e tellore over en de knechten en de meisens adden gin gêd. “M”on der wieder vanavond ook eten” zeiten. En ’s aves oan ze zieder doa nu in euder kamers woaren daan ze zieder euder botrams bezig med op ’t eten woaren, die tallore pannekoeken stoeg toa. En z’ên toch die knecht gevraagd omdatten ade vorsgegoan, daan ze zoe benauwd gekommen ade van die knecht.

SINSAG 0582 - Hexe schickt Läuse, Flühe, Mäuse.    SINSAG 0582 - Hexe schickt Läuse, Flühe, Mäuse.   

SINSAG 0750 - Andere Zauberei.    SINSAG 0750 - Andere Zauberei.   

Op een boerderij in Veurne werkte een knecht die met een circus naar Diksmuide was geweest. Van één van de circusartiesten had de knecht een toverboek gekregen. Toen de andere knechten aan het klagen waren omdat de meid hun bed niet had verschoond, zei de knecht met het toverboek: "Wacht maar, jullie zullen morgen de dekens wel zien buiten hangen!" Twee dagen later hingen de dekens van de meid buiten aan de waslijn. De dekens hingen vol luizen. Op een dag had de meid pannenkoeken gebakken voor de paardenknechten. De andere knechten en de meiden hadden geen pannenkoeken gegeten. Daarop sprak de knecht met het toverboek: "Wij zullen er vanavond ook eten". Toen de knechten en de meiden 's avond in hun kamer boterhammen aan het eten waren, stond het bord met pannenkoeken plots bij hen.

A. Cornelis, Gent, 1958

2.3 Toverboeken

west-vlaams (kust)

59

fabulaat

Nieuwpoort    Nieuwpoort   

Diksmuide    Diksmuide   

Veurne    Veurne