MDESC0049_0050_14910 - Witte vrouw verschijnt in bos

Maor, eneeje, in de Patrieze, die nu nog de Patrieze is, ’t wos daor en uustje vor d’n eest’n oorloge; ’t e nog ofetrokk’n ewist, e mement vor d’n eest’n oorloge, e kleen plat uustje. En ’t weunde daor, Vitse weunde daor, Vitse. Dat waor’n mensch’n, die koek’n bakt’n, a ’t kerremesse wos, vor de mensch’n van ’t steej, wao dan de mensch’n bloeme brocht’n en potsuker. Mao dien vent vrochte bie ’t geboerte. Dien vent vrocht in Belle. En e kam maor en keeje in de weke naor uus, d’n Zaoterdag, t’n acht’n. En ’t wos daor e bus, tussch’n d’n Oendank en d’n dienk, d’n Braobant, ’t Leenvollebus. Ol wederkant’n van de roete wos t’r e busseltje. En ott’n iej dao passeerde t’n elv’n, e zag iej daor in ’t bus e wit vromens, biekan volkomm’n grotte; ott’n e weke of tweeje d’r achter passeerde, a ’t twove wos, ’t wos maor e kleen kiend nie mi; en teg’n da ’t nucht’n wos, da wos vorbiej. En e dat duust ker’n verteld. Duust ker’n ed’n dat verteld. Ja, en overtied, ’t wos d’n eest’n oorloge, e ja; de mensch’n vrocht’n e hele weke, en ze vrocht’n toe t’n elv’n, t’n twov’n; en ze most’n toen komm’n van Belle te voete; ’t waor’n toen gin vilo’s of niet, eneeje. En en e dat tienduust ker’n verteld. En dat e duust keers were... En ’t zien nu nog van die joenges van Vitses die in Berk’n weun’n.

SINSAG 0310A    SINSAG 0310A   

Een man die op zaterdag omstreeks acht uur terugkwam van zijn werk in Belle, zag in het Leenvollebos altijd een witte vrouw. Iedere week was de gestalte een beetje kleiner, tot ze uiteindelijk niet groter was dan een kind.

M. Deschrijver, Gent, 1961

1.3 Vuurgeesten

west-vlaams (poperinge en omstreken)

69

fabulaat

Leenvollebos (Belle)    Leenvollebos (Belle)   

Poperinge    Poperinge   

Leenvollebos (Belle)    Leenvollebos (Belle)   

Belle    Belle