JVENK0335_0336_10553 - Bezweringsformule

Bare Mie die kaam in ’n hoes dao in de geburen en dow zag ze: "Och madam, waat höb gièr toch e sjoen kindje". Dow wraef ze mèt häör hand uever hem en wie ze weg waas deeg dat kindje niks es heulje. Dow dach die vrouw in häör eige: "Waat maag dat keind toch zeen?" Achternao ginge ze hem losdoon en winjele en dow zuote z’n hiel deukskes vol spange. Dan zagte ze: "Die lielike heks is vandaag hiej gewaes, omdat het vandaag de gooie maojndag is". Dat zagte de luj as ze de naam noemde van ene persoen dae ene slechte naam hauw. Bevuerbeeld as ich now zèg: "Die van Hagemans waas ’n heks". "Omdat het vandaag de gooije vriedig is" moot ger dan vuort terbiej zègge, anges zeetder vernuekt, zagte ze, es dat nog in daen tied waas wie dow. Hetzelfde uever wae dat get vertèld woer, dan zagte ze terbiej: "Omdat het vandaag de gooie vriedig is". Dat zien zoe van die auwerwètse gebruke. Dan zagte ze zoe: "Dan kan ze niks". Zjus wwie ich uch dao zag van mèt den duvel van "Geloofd zij Jezus Christus" of mèt in ’t kruus uever het vaartspuor te guon, dan höbbe de hekse noets geine pak op uch ’s aoves laat oppe straot. En van dae pestoer Ballings dae zag, este het lievend lies (laat) boete ligge nao de zon dan mooste het altied duor ene tob klaor water trèkke want nao de zon haet alle kaod mach. Dus dat dae mins dao toch get van dach want dat haet er zelf vertèld. Dat höb ich ouch hiej vertèld tiènge de pestoer: "Dat is waor hier pestoer", höb ich gezag, "want daovuer is den Angelus ingerich, de baejklok, ’s middes, ’s mörges en ’s aoves. Den Engel des Heren zagte wiè, en daovuer is dat ingerich, vuer dat kaod dat duor de loch zwaefde oet te rooie".

SINSAG 0580 - Andere Hexenkünste    SINSAG 0580 - Andere Hexenkünste   

Een heks was op bezoek geweest bij een vrouw met een kindje. "Wat een mooi kindje!" had de heks gezegd, en ze streelde het kind over het hoofd. Toen de heks weg was, begon het kindje te huilen. Tussen de doeken van het kind vond de moeder allemaal spinnen. "Die lelijke heks is vandaag hiergeweest, omdat het vandaag de goede maandag is", zei de moeder. Als men de naam van een heks noemde, moest men er altijd bij zeggen: "omdat het vandaag de goede ...-dag is", anders was men onder invloed van de kwade hand.
Als men 's avonds laat ergens naartoe ging, moest men kruiselings over het karrenspoor lopen. Als men het wasgoed tot na zonsondergang buiten had laten liggen, moest men het spoelen met zuiver water om niet behekst te worden, aldus de pastoor. Het luiden van de klokken 's ochtends, 's middags en 's avonds - ook wel de Angelus of Engel des Heren genoemd -, was bedoeld om het kwaad dat door de lucht zweefde uit te roeien.

J. Venken, Leuven, 1968

2.1 Heksen

limburgs (maasvallei)

401

fabulaat

Bare Mie    Bare Mie   

Angelus    Angelus   

Engel des Heren    Engel des Heren   

Dilsen    Dilsen