LCUMP0235_0235_14615 - Een kind te Zerkegem is gans met spelden volgestoken. Men komt de toveres tegen in een kerk waar men voor de genezing van het kind gaat lezen.

Wat dan’k nu gon vertellen hé, das echt gebeurd want ‘k ‘en da zelve meegemakt. ’t Was hier entwien in Zerkegem en z’had ’n kient en ’t lag ip doadgoan. Da kient dee nieks dan schremen en ’t at ol dajje’t gaaf, mo ’t sliep nooit nie. En ’t was hele gans vulgestekt (volgestoken) met spellen. Overol, toe ip ze viengers toe. Ze moeder vroege an Charrel osten (of hij) nie meegieng no Nieuwpoarte om te gon dienen (bedevaart doen). En ze giengen ziender do no toe, te voete ’s ovens ten elven. Je moet e ki peizen. En gunter in de kerke deên ze de krusweg. Oss’an d’eeste stoasie (statie) woaren, kwam’t er dor ’n wuuf nor under ip heur kloefen en overol gieng ze mee en bleef ze stoan. Oss’an de vuvde (vijfde) stoasie woaren, sloeg het vuv’ip de torre (toren) en da wuuf zei heel den tied mo: ’t is vuve! ’t is vuve! En ton antwoorde (sic) da mens en da wuuf was ol met e ki weg. Mo z’ha’zie nie meugen antwoorden hé, want oenze (als ze) ip weg woaren were nor hus, wier (werd) Charrel ziek en z’hè’n hem met d’oendekarre moeten nor hus briengen. Ik ha’n heel de nacht ip me knien bi da kient gewakt (gewaakt) ol bleitend. En ’t was hele gans vulgestekt da kient. Mo ze zien toch verhoard (verhoord) geworden wi, want ’t kient is nodien toch genezen.

SINSAG 0531 - Peinhexe quält einen Menschen mit einer Puppe, in welche sie Nadeln steckt.    SINSAG 0531 - Peinhexe quält einen Menschen mit einer Puppe, in welche sie Nadeln steckt.   

In Zerkegem woonde een moeder wiens kindje op sterven lag. Het kind huilde de hele tijd en wilde niet slapen. Omdat het kind bovendien helemaal vol spelden stak, ging de moeder samen met een man uit het dorp op bedevaart naar Nieuwpoort. Het tweetal vertrok om elf uur 's avonds. Toen de man en de vrouw bij de eerste statie van de kruisweg waren, kwam er een vrouw op klompen naar hen toe, die de hele weg met hen meeging. Toen de man en de vrouw bij de vijfde statie waren, sloeg het vijf uur op de kerktoren. Daarop sprak de heks die met hen meeliep: "Het is vijf uur! Het is vijf uur!" Nadat de vrouw had geantwoord, was de heks plots spoorloos verdwenen. De vrouw had niet mogen antwoorden, want op de terugweg werd haar vriend ziek, zodat men hem met de hondenkar moest komen halen. Het zieke kind is uiteindelijk toch genezen.

L. Cumps, Leuven, 1965

2.1 Heksen

west-vlaams (z van brugge)

280

fabulaat

Zerkegem    Zerkegem   

Zerkegem    Zerkegem