PKNAB0287_0288_6654 - Terugkerende dode: de paardekoppen aan het huis te Keulen

In Duijtsland - heb ger dat nog noëts gehuurd? - dat dao 'n vrouw waor trug (ge)'komen? (Nei, wie zaot dat?) Jaowâl, 't waor 'n vrouw van ene rijken hiër, hé. En, op ene vieze kiër, die vrouw waor al lang doëd, toen zèit die maag (maagd, meid), - ze huurde de bel goon, en de maag ging kijken aan de deur -, en dów deeg ze de deur tów en dów kaom ze trug in (binnen), nao dèin hiër: 'Meniër', zèit ze, 'eur madam steit buiten aan de deur.' 'Dao is zoëveul van waor', zag ee, zag dèin hiër dów, 'es dat mijn twië witte schummelen (schimmels) in de stal stoon, en aan de trappen oploupen, en mèt de kop door de vinster uitstoon.' En 't waor waor! ze waor trugkomen! Zijn twië pèird, wie er 't zag, die pèird maakden zich los in de stal, en aan den trap op, en boven mèt de kop door de vinster uit. Dat is in Kölle (Köln), in Kölle of in Bonn is dat gebeurd. Jao. Want de luj kosjten dao goon kijken dat 't waor waor, dat die pèird dao boven in de vinster stóngen, mèt de kop door de vinster uit. En waor zijn!! Want dat is nog: die pèird die stoon nog altijd op de einse (zelfde) plaats, in dèi bóów (dat gebouw), mèt de kop door de vinster uit.PK: allè, nów nog?Nei, naogemaak nów hé, jao. Mer 't waor toch waor toch waor dat die medam, wie meniër kijken ging, dat ze buiten aan de deur stóng Het moot toch vanzeleven gebeurd zijn dao! Jà.PK: Geer heb vreuger in Duitsland gewèrk nog, hé? Vertèlden ze dat dao misschien?) Jao, die Duitsers vertèlden dat hé, die dów nog lèifden van die luj, die dat gezeen hawwen. Jao, want es-te dao langs keems (kwam) in die straot, en du keeks ómhoëg, en dao kaomen ènige Duitse -verstännige - luj dan hé, die vertèlden dich dat, die vertèlden dich dat ollemaol, dat dat, dat dat, daor gebeurd waor. Jao-ao.

SINSAG 0477 - Begegnung mit Geistern.    SINSAG 0477 - Begegnung mit Geistern.   

Een meid van een rijke Duitse heer meldde aan haar werkgever dat diens overleden echtgenote voor de deur stond. Daarop antwoordde de heer: "Als dat waar is, dan lopen mijn twee schimmels die in de stal staan, de trappen op om daarna met hun kop uit het raam te hangen". Het volgende ogenblik verlieten de twee paarden hun stal, liepen de trappen op en gingen met hun kop uit het raam hangen. De overleden vrouw was inderdaad teruggekomen.

P. Knabben, Leuven, 1970

1.4 Luchtgeesten

limburgs (maasvallei)

O/IX/181

fabulaat

Bandopname

De gebeurtenissen zouden in Keulen of in Bonn hebben plaatsgevonden.

Duits    Duits   

Opgrimbie    Opgrimbie