PKNAB0612_0613_7117 - Heks voorspelt ongeluk (hypnose?) (wraak)

Mer die van Kiewit, dat waor ’n eigenaordige. Zoe wie ich dich zèg, die kós zoeget veurspellen. Ich heb ins huren vertèllen… mer dat waor toch van ’n ander gelöüf ich, ein van Caberg gelöüf ich, affeng, ich wèit ’t ouch neet mier zoe zjus. En die zag ins tegen ein, en ich heb die vrouw naoderhand gekand (gekend), lieren kènnen, ’n braaf vrouw, en dao zag ze zoe tegen, kijk, dao waor toch get gewèis hé, - mer ich neum wel gein naomen hé - "Och dû, wach mer, dich geis nog get zien van den jung (kinderen)." En dat waor ’n hiel braaf mins, mer heur kinder - ze had dr’s veer - dao hèit ze niks es ongeluk mèt gehad. Of nein, dat waor zoe: heure mins, dao van die vrouw dus, dao had die "heks" die get mier kós, iers mèt gevrijd, en dèi jóng, dèi man, dèi had ’t uitgemaak, toen er zaog wat veur e vleis er in de kuip had, mer dèi storf jóngk, den oudste van de kinder mós zjus zijn kemmunie gaon doen, dèi veel op Belvederie êrges vanâf, en dèi had de rug kepot. Toen hèit er toch nog get gelèif, ’n half jaor of zoeget, mer dao is er toch van gestorven. Mer die kinder, dao is niks goods van gekómmen. Jao, en dèi mins, dao waor die heks misschien ouch neet zoe vrèimp (vreemd) aon, dat dat gebeurde. Den audste van die kinder hèit in de perzóng "prison" gezeten, en den derde gelöüf ich ouch, mer dat waor neet zoe erg. Mer die anderen, dat is toch ouch niks gewaoren. Want dao waor niemes (niemand) bij die vrouw, toen die gestorven is, die heb ich nog gekand, zèg ich dich, dat is… tegen de jairen dertig gewèis, es ich good mèin. Mer es hun die heks dat nów zoe opgelag (opgelegd) hèit, die kinder, van zoe ondeugend te zijn, wat kènnen ze dao dan zoe aon doen? Dat kèn toch, heb ich mich al gedach gehad, dao zijn d’rs toch mier die dat doen… wie hè dat… gein faokirs…PK: hypnotiseurs misschien?Jao, zjus, dat is’t, doen dat toch mier hé?

SINSAG 0580 - Andere Hexenkünste    SINSAG 0580 - Andere Hexenkünste   

Een man had zijn vriendin de bons gegeven toen hij ontdekte dat ze een heks was. De man was uiteindelijk getrouwd met een andere vrouw, die bevriend was geraakt met de heks. De kinderen van de vrouw en de man hadden echter allemaal ongeluk. De oudste zoon liep een kwetsuur aan zijn rug op tijdens een val bij Belvederie. Een half jaar later overleed de jongen aan zijn verwondingen. Een broer van de man die vroeger een relatie had gehad met de heks, raakte in de gevangenis. Toen de heks stierf, was ze helemaal alleen.

P. Knabben, Leuven, 1970

2.1 Heksen

limburgs (maasvallei)

L/X/606

Omstreeks 1930

fabulaat

Lanaken    Lanaken   

Belverderie (Lanaken)    Belverderie (Lanaken)