MDESC0045_0046_14897 - Katten op de rug van koeien

Dat is nog van mien moeders, wi. Ze waor’n zieder grote boer’n. Enne, ja, o ze zieder ezo, ja, overtied, dat wos ossan schrikk’lik vele, eni, van, ezo, die toverieje. Enne, up e zeker’n dag, eni, en, ja, die toen mien peter of mien overgrootpeter wos, eni, ‘k wet’n ’t ik nie, wi, moeder zei, eni: “Mao wuk aopert er? ’t Zitt’n op ol de riks, up ol de riks van de koei’n e katte. Wuk betekent dat nu? En me ’n ên d’r mao drie. En up ol de koei’n zit er e katte! Wuk betekent dat nu?” En nie of te krieg’n, eni, mi e stok of mi niemendolle, eni. En ze liet’n ol nulder melk lop’n. Nu, ze gaon daomei oek were nao de paoters, eni. En z’ân de katt’n, gauw, toe dat de katt’n of kust’n. En ommekeeje, a die een, a die een katte ofwaor’n, eni, mi d’n eest’n stok, eni die eeste katte, ol d’ander waor’n verdwen’n, ze waor’n ol weg.

Een boerin zag allemaal katten op de rug van de koeien zitten. Omdat de katten de koeien niet met rust wilden laten, liet de boerin de paters komen, die de katten wisten te verjagen.

M. Deschrijver, Gent, 1961

1.5 Plaaggeesten

west-vlaams (poperinge en omstreken)

56

Moeder van de informant

fabulaat

Poperinge    Poperinge