ACORN0099_0100_12040 - Heks te Wulpen betovert zegsman

K’ên, ik nog no Wulpen gewist, dank nie ’n zwichten onk en joengen woaren. En zegt dat vromêns: “Je meugd niëe lachen mi dat vromêns, o je go lachen, ‘is e toveresse, je moed goed verstoan”. Mo ‘k zeggen: “Wiene godverdomme, zoe dat ’n toveresse gon zien, godverdomme wien vaagt er zen koente doa nie an”. Ze smiet zie mi stikkebeiers en ‘k smieten ik ook mi stikkebeiers. En ze smiet zie stikkebeiers op men kop. Mor onk ik nu thüskommen - da was in ’t vlastrekken - mor onk ik thüs kommen ‘k zeggen ik tegen moeder: “’k Zien ik gèlegan nie wêl”, ‘k zeggen “Z’ên gezeid dat der doar e toveresse is, e vromêns die doa vlastrekt bien üs”, en ‘k zeggen, “z’ê zie mê diengen gesmeten, mê stikkebeiers en ‘k ên ik ook mê stikkebeiers gesmeten”. En ‘k zeggen: “Z’ê sie stikkebeiers op mien kop gesmeten en weet je wien dat da vromêns zei d’andere? - “Gif ze ‘ne slag op neur kop”-. Mo ‘k zeggen: “’k En dat nie edoan”. Zo ‘k zeggen ik tegen moeder: “’k Zien ik gèèlegan nie wêl, mo kunnen ik nie gon werken wi”, en ‘k zeggen: “gèèl me lief is vul mê stikkebeiers, zo groot of dank ik woaren”.Zo zeg mien moeder: “Je zie betoverd, me gon ton no paster Looten”. Me giengen no paster Looten en omme bie paster Looten kwamen: “Toog eki, toog eki, ê da bestoa nie, da bestoa nie süperstiche, dat bestoa nie”. Zegten tegen mien moedre: “Zet gie joen eki in ’t kamertje, en gif die joengen eki bie mien”. Zo ‘k mosten ik bie paster Looten goan, bie nem. Onk ik weg giengen van paster Looten ’t was gin èèn stikkebeier mi te zien op mien lief en ‘k woaren ik djuste as voren. En zegten: “Ziet” zegten “da je nooit mi ’n speelt mi oede mênschen. E dei ie doa nie anders of lezen dat ’t zwèèt laans ze voroofd was en ik moesten doa voren stoan.

SINSAG 0580 - Andere Hexenkünste    SINSAG 0580 - Andere Hexenkünste   

Een jongen had in Wulpen tegen beter weten in gespot met een heks. De heks gooide de jongen vol met stekelbessen. toen de jongen thuiskwam, voelde hij zich niet goed. Omdat de moeder geloofde dat de jongen betoverd was, stuurde ze haar zoon naar de pastoor. "Bijgeloof bestaat niet!" zei de pastoor, maar hij vroeg de jongen wel om vóór hem te komen staan, zodat hij hem kon overlezen. De pastoor bad tot het zweet van zijn voorhoofd liep. Toen de jongen het huis van de pastoor verliet, had hij geen enkele stekelbes meer.

A. Cornelis, Gent, 1958

2.1 Heksen

west-vlaams (kust)

17

fabulaat

Oostduinkerke    Oostduinkerke   

Wulpen    Wulpen