PKNAB0180_0181_6497 - Heks uit Wezet: doet vrouw ziek worden, tovert muizen uit de grond

...En dan gaon ich nów ins vertèllen euver de heks. Dao waor ins 'n hiël auw taatsj (wijf: peJ.)X: hahaha.Het waor ouch in den oorlog van viërtien-achttiën, zoë 'n hiël auw taatsj en dów woënde die van dokter Bijnens die woënde dao e paar huizer wijer, twië huizer wijer es veer. En dao ging die altijd hé, die heks, enne, 'Dao', zag ze, 'deij (die) van Weezet kump aof (komt aan)' -die kalde zoë hé - (gechargeerde imitatie Lanakens dialect) 'de lânge van Wezet kump âof, ze zal wel spek hebben!' hé, jao. Jà, den oorlog, dów keemen (kwamen) ze veur spek hé, jao, en die keem (kwam) dan âf en die haw ouch spek. Jà, bij ós dan, bij de moeder, die wou dan ouch mer, die vrouw heur biës, die wilde dan ouch mer de mooder dao spek van doen pakken. Ich zèg: 'Mooder, niks' zèg ich, 'zoë druug (droog) broëd' zag ich, 'bèn ich mèt kóntent, niks!' Mer good, het haw al zoë lang gedoord (geduurd), en zoë dèk, en zoë waor dat veurgevallen. En dów, op ene vieze kiër, dów woor (werd) de mooder krank (ziek) ómdat ze niks van heur wou, ómdat mij mooder niks van heur wou, versteis-te, woor zij, de mooder krank. Jà, en toen waor zeenen hiëlen tijd krank gewèis, en toen waor ze dan weer op ene kiër tegooi. En dów keem mich die weer aan, keem die, jà en zoëlang es de mooder krank waor gewèis, waor ze neet miër bij ós gewèis aan de deur, veur niks, mer wie de mooder tegooi waor, keem ze weer en dów zag ze zoë, dat waar zjus precies es went (wanneer) ene molsheuvel tusschen de stein (stenen), dat waoren dao drij stein, nevenein, dikke stein, want ze zullen nów wâl, Zjang hèit ze misschiens nog, drij stein nevenein en dao waoren zoë 'n groven in zoë hé, wie precies hé, dat waor dów niks cement hé, dat waor mer zoë, jà en dao keem drek (grond) tusschen op van ónder 't huis uit, keem dao drek tusschen op; 'Ha', zèit ze, 'hier zit een muisken onder den steen', en ich huurde dat hé, en ich buiten heer (naar buiten heen). Ich zèg 'Bes-te nów bekans weg, muisken onder den steen', zag ich, 'du hebs ós al genóg aangedoon!'; ich zèg: 'en neet miër bènnen', zèg ich, 'neet miër op 't gelèig (erf)!' zag ich hé. Ze is noëts miër bènnen gewèis, noëts, noëts miër bènnen gewèis!!

SINSAG 0581 - Hexe macht Mäuse    SINSAG 0581 - Hexe macht Mäuse   

SINSAG 0580 - Andere Hexenkünste    SINSAG 0580 - Andere Hexenkünste   

In Wezet woonde een heks die spek verkocht. Een vrouw die geen spek van de heks wilde kopen, werd na een tijdje ziek. Toen de vrouw genezen was, kwam de heks langs en zei: "Kijk, hier zit een muisje onder de steen!" De dochter van de vrouw liep naar de heks toe en riep: "Ben je nu bijna weg, muisje-onder-de-steen, je hebt ons al genoeg aangedaan!" Sindsdien is de heks nooit meer in het huis geweest.

P. Knabben, Leuven, 1970

2.1 Heksen

limburgs (maasvallei)

M/V/35

WOI

memoraat

Maasmechelen    Maasmechelen   

Wezet    Wezet