JVENK0239_0239_10303 - Heksenrit

Dat höb ich eine hure vertèllen dae woende hiej onger op de straot. Dae vriejden hiej in ’t dörp en dae vriejden ouch in Heppenaer. En ’s aoves ging er hiej onger aan ’t Brook en dan ging er zoe nao Heppenaer. En dan kaam er hiej onger aan die wei, dao leep vreuger e waegsken uever. Dat waas vreuger, dow kosjte ze neet onger guon, now konne ze onger guon. En dow kaam er achter in de wei aan dat stepke, dao moosj er duor guon. Dat waas zoe e stepke woe de luj kosjte duorguon, maa gein biêste. En in eine kier snapde hem dao e paar vrouluj en mèt hem de lochd in. En iè waas ouch z’n patsj dao verluore, en dow mèt hem weg. Dow waas er örges gewaes, zag er, maa iè wosj neet woe en dao wuore ze aan ’t dansen en plezeer make. Dao hauwe ze hem gehauwe tot ’s mörges zoe oppen daag aan, het begosj daag te wièren en dow brachte zen hem ouch weer woe ze hem hauwe gepak. En dao laag z’n patsj weer, die kraeg er ouch weer. En dow ging er heives, iè moosj in ’t dörp örges guon wèrke. En dow kaam hem die vrouw woe er hiej hene ging vrieje, die kaam hem dao oppe Kongel tiènge. Die vraogden hem dow wie het gisterenaovend gegange waas in Heppenaer. Woevan wosj die dat? Maa die hauw de naam dat het ein heks waas en die angere dat wuoren ter ouch. Woevan wosjte die dat dae ’s aoves gaeng komme dao, vuer nao Heppenaer te guon? Dat wosjte ze ouch neet. Maa dat waas zoe e vouk, die wosjte toch mie es anger luj.

In Rotem woonde een man die twee vriendinnen tegelijkertijd had. Toen de man bij zijn vriendin in Rotem op bezoek was geweest, vertrok hij naar zijn andere vriendin in Heppeneert. De man werd onderweg meegesleurd door heksen die hem meenamen naar een onbekende plaats waar uitbundig gedanst werd. Zodra het ochtend werd, werd de man teruggebracht naar de plaats waar hij was ontvoerd. Op weg naar zijn werk kwam de man zijn vriendin uit Rotem tegen, die vroeg: "Hoe is het gisteren in Heppeneert geweest?" Dat meisje was zelf zeker ook een heks. Hoe kon ze anders weten dat de man van plan was naar Heppeneert te gaan?

J. Venken, Leuven, 1968

2.1 Heksen

limburgs (maasvallei)

220

fabulaat

Rotem    Rotem   

Rotem    Rotem   

Heppeneert    Heppeneert